Dar Young Africans

2011-10-30T18:33:00.002+03:00

Simba achinjwa

Goli pekee liliofungwa na Mzambia Davies Mwape lilitosha kutibua rekodi ya Simba ya kutofungwa katika ligi kuu ya Vodacom Tz.

Hongereni Yanga

2011-07-30T18:39:00.004+03:00

Yanga yaalikwa Sudan

Mabingwa wa soka Afrika Mashariki na Kati, Yanga itafanya ziara ya siku tano nchini Sudan ya Kaskazini tarehe 5 mwezi ujao ambapo inatarajiwa kucheza na vigogo wa soka wa nchi hiyo El Hilal and El Merreikh.

Huku mchezo wa ngao ya hisani dhidi ya Simba ukikaribia, mechi hizo mbili zitakuwa ni majaribio mazuri kwa Yanga kwa ajili ya kuanza msimu mpya wa ligi. Afisa Habari wa Yanga Louis Sendeu alisema jana kwamba Yanga imealikwa huko Sudan na klabu ya El Hilal.

El Hilal ambayo sasa inashiriki katika Ligi ya Mabingwa Afrika inanolewa na Kocha wa zamani wa Yanga, Milutin Srejdovic 'Micho'.

Ngao ya Hisani

2011-07-25T18:45:00.002+03:00

Ngao ya Hisani yapigwa tarehe

Mechi ya Ngao ya Jamii (Community Shield) kufungua msimu wa Ligi Kuu ya Vodacom 2011/2012 kati ya Yanga na Simba iliyokuwa ichezwe Agosti 13 mwaka huu Uwanja wa Taifa, Dar es Salaam, sasa itafanyika Agosti 17 mwaka huu kwenye uwanja huo huo.

Uamuzi huo umetokana na timu ya Taifa (Taifa Stars) kuwa na mechi ya kirafiki katika kalenda ya FIFA (FIFA dates) ugenini itakayochezwa Agosti 10 mwaka huu dhidi ya Palestina. Stars itarejea nchini Agosti 11 mwaka huu baada ya mechi hiyo.

Wachezaji wengi wanaounda kikosi cha Taifa Stars kwa sasa wanatoka katika klabu hizo mbili. Awali Stars ilikuwa icheze mechi nyingine Agosti 13 mwaka huu jijini Amaan wakati aikitokea Palestina. Kocha Mkuu wa Stars, Jan Poulsen ameifuta mechi hiyo kwa vile Jordan haitakuwa na wachezaji wake wa kulipwa kutokana na kuwa nje ya kalenda ya FIFA.

KAGAME CASTLE CUP

2011-07-10T12:20:00.004+03:00

Fainali ya kufa mtu

Hatimaye fainali ya Kagame Castle cup ambayo ilikuwa ikisubiriwa na wengi inapigwa leo kwenye Uwanja wa Taifa jijini Dar kati ya Yanga na Simba.

Timu zote mbili zimeingia fainali baada ya kuvuka hatua ya nusu fainali kwa njia ya matuta. Simba iliitoa El Mereikh ya Sudan wakati Yanga iliitoa St. George ya Ethiopia.

Timu hizo mbili zinaingia zikitaka kulinda rekodi zake katika michuano hiyo:

YANGA:
Kocha Sam Timbe katika mechi zote tatu alizotinga fainali. Amefanya hivyo akiwa na SC Villa, Polisi za Uganda na Atraco ya Rwanda.

SIMBA:
Haijapoteza fainali yeyote ya Kagame iliyopigwa katika ardhi ya Tanzania. Tayari imefanya hivyo mara sita.

Mchezaji kwa uhakika atakosa mchezo wa leo kutokana na kadi ni Jerry Santo wa Simba ambaye ana kadi mbili za njano.

Bingwa wa michuano hiyo atajinyakulia dola za Kimarekani 30,000

KOMBE LA KAGAME

2011-07-08T18:57:00.004+03:00

Yanga yatinga fainali

MABINGWA wa Tanzania Bara, Yanga imetinga katika fainali ya kombe la Kagame baada ya kuichapa St. George ya Ethiopia kwa mikwaju ya penati 5-4.

Timu hizo mbili zilishindwa kufungana katika dakika 90 na hata katika muda wa nyongeza wa dakika 30 bado mambo yalikuwa 0-0.

Penati za Yanga leo zilipigwa na:
Shadrack Nsajigwa (alikosa)
Nadir Haroub
Juma Seif
Davies Mwape
Hamis Kiiza
Nurdin Bakari

KOMBE LA KAGAME

2011-07-08T14:54:00.002+03:00

Yanga vs St. George

MABINGWA wa Tanzania Bara, Yanga muda mfupi ujao inaingia uwanjani kupambana na St. George ya Ethiopia katika mchezo wa nusu fainali ya kombe la Kagame itakayopigwa katika Uwanja wa Taifa.

KOMBE LA KAGAME

2011-07-06T18:25:00.002+03:00

Yanga yatinga nusu fainali

Yanga ya Tanzania imefanikiwa kutinga katika hatua ya nusu fainali ya kombe la Kagame baada ya kuifunga Red Sea ya Eritrea kwa penati 6-5.

Timu hizo mbili zilishindwa kufungana katika dakika 90 za mchezo hivyo kulazimika kutafuta mshindi kwa njia ya matuta.

Penalti za Yanga zilipigwa na
Shadrack Nsajigwa
Rashid Gumbo
Kiggi Makassy (alikosa)
Kenneth Asamoah
Davies Mwape
Nadir Haroub
Nurdin Bakari

Yanga sasa itakutana na St. George ya Ethiopia katika nusu fainali siku ya Ijumaa.

KOMBE LA KAGAME

2011-07-06T16:13:00.001+03:00

Yanga vs Red Sea

MABINGWA wa Tanzania Bara, Yanga muda mfupi ujao inaingia uwanjani kupambana na Red Sea ya Eritrea katika mchezo wa robo fainali ya kombe la Kagame.

KAGAME CUP 2011

2011-06-30T18:22:00.003+03:00

Yanga yaichapa Elman 2-0

MABINGWA wa Tanzania Bara, Yanga imeichapa Elman ya Smmalia kwa mabao 2-0 katika mchezo wa kombe la Kagame 2011 uliomalizika hivi punde katika uwanja wa Taifa Dar es Salaam.

Mabao ya Yanga yalifungwa na Davis Mwape (dk. 27) na Hamisi Kiiza (dk.90)

KAGAME CUP 2011

2011-06-26T18:12:00.002+03:00

Yanga yaanza kwa sare

MABINGWA wa Tanzania Bara, Yanga imeanza michuano ya Kagame 2011 kwa sare ya 2-2 dhidi ya timu ya El Merreikh ya Sudan.

El Merreikh ilikuwa ya kwanza kupata bao katika dakika ya pili lakini Yanga ikarejesha bao hilo dakika nne baadaye baada ya El Merreikh kujifunga.

Yanga iliongeza bao la pili kupitia kwa Kenneth Asamoah katika dakika ya 37 baada ya kuunganisha krosi ya beki wa kushoto Oscar Joshua.

El Merreikh ilisawazisha bao hilo katikati ya kipindi cha pili na mabao hayo yalidumu hadi mwisho wa mchezo.

Wachezaji walioiwakilisha Yanga leo: Berko, Taita, Oscar, Chacha, Nadir, Gumbo, Mrope, Nurdin, Mwape, Tegete/Asamoah, Kiggi.

KAGAME CUP 2011

2011-06-22T07:11:00.002+03:00

Yanga katika kundi B

MABINGWA wa Tanzania Bara, Yanga wamepangwa katika kundi B la michuano ya Kombe la Kagame itakayoanza kupigwa kuanzia mwishoni mwa wiki hii katika miji ya Dar es Salaam na Morogoro.

Makundi kamili ya michuano hiyo ni kama ifuatavyo:

Kundi A:
Simba(Tanzania)
Vital'O(Burundi)
Etincelles (Rwanda)
Ocean View (Zanzibar)

Kundi B
Yanga (Tanzania)
El Merreikh (Sudan)
Bunamwaya(Uganda)
Elman FC (Somalia)

Kundi C
APR(Rwanda)
Ulinzi (Kenya)
St. George (Ethiopia)
Port (Djibouti)

Mechi za Kundi A na B zitachezwa kwenye Uwanja wa Taifa Dar es Salaam wakati kundi C itapiga mechi zake huko Morogoro kwenye Uwanja wa Jamhuri.

Ratiba kamili itafuata hivi punde.

2011-06-21T07:24:00.001+03:00

Yanga yatema nane

MABINGWA wa Tanzania Bara, Yanga wametangaza kuwaacha nyota nane kwenye usajili wake msimu huu wakiwemo Athuman Idd, Waghana wawili pamoja na kipa wa Mserbia.

Akizungumza jijini jana, Ofisa Habari wa Yanga, Luis Sendeu alisema kuwa uongozi wa klabu hiyo umefika hatua ya kuwaacha wachezaji hao katika usajili wake kutokana na sababu mbalimbali ikiwa ni pamoja na baadhi yao kushuka kiwango na wengine kumaliza mikataba yao.

Wachezaji waliotemwa na timu hiyo ni pamoja na Yahaya Tumbo, Nelson Kimath, Nsa Job, Razack Khalfan, Izack Boakye, Ernest Boakye, Athuman Idd na Ivan Knezevic.

“Wachezaji hao ndio tuliowaacha katika usajili wetu wa mwaka huu, hii ni kutokana na baadhi yao kumaliza mikataba na wengine kushuka na uongozi kuamua kuvunja nao mkataba.

“Wachezaji ambao uongozi umevunja nao mkataba na kuwalipa haki zao zote ni pamoja na Nsa Job, Nelson Kimath na Yahaya Tumbo wakati Ernest Boakye na Isack Boakye, Athumani Idd, Ivan Knezevic na Razack Khalfan wao mikataba yao imemalizaka na uongozi ukaona hakuna haja ya kuendelea kuwanao,” alisema Sendeu.

Alisema pamoja na kutangaza kuwaacha wachezaji hao bado timu hiyo ipo katika harakati za kusaka saini na nyota wa zamani wa URA na timu ya Taifa ya Uganda, Hamis Kizza ambaye kwa sasa yupo jijini Dar es Salaam kwa mazungumzo.

Katika hatua nyingine, timu hiyo inaondoka leo kwenda mkoani Arusha kwa ajili ya mchezo wake wa kirafiki dhidi ya Gor Mahia ya Kenya utakaofanyika mjini humo.

Sendeu alisema kuwa katika mchezo huo wanatarajia kuwatumia wachezaji wote waliowasajili sasa pamoja na wale wa kimataifa.

Source: MWANANCHI

Ligi Kuu ya Vodacom 2010/11

2011-04-11T06:52:00.004+03:00

YANGA BINGWA

Yanga imefanikiwa kutwaa ubingwa wa Ligi Kuu ya Vodacom Tanzania Bara baada ya kuizamisha Toto Africa kwa mabao 3-0 kwenye Uwanja wa CCM Kirumba Mwanza.

Mabingwa wa zamani Simba ambayo nao walikuwa wakicheza na Majimaji na kufanikiwa kushinda 4-1 lakini ushindi huo haukutosha kuipiku Yanga kwenye mbio za ubingwa.

Yanga na Simba zote zimemaliza ligi hiyo zikiwa na pointi 49 huku Yanga ikiwa na tofauti ya magoli (Goal Difference) ya 22 wakati Simba ina 21.

Mabao ya Yanga yalifungwa katika kipindi cha pili na Nurdin Bakari(mawili) na Davis Mwape.

Inabaki kwamba Yanga ni mabingwa wa ligi ya Vodacom 2010/11.

2011-04-07T18:43:00.004+03:00

Yanga 3 African Lyon 1

Hatimaye Yanga leo imeifikia timu ya Simba kwa pointi baada ya ushindi wa 3-1 dhidi ya African Lyon katika mchezo wa ligi kuu ya Vodacom uliomalizika hivi punde.

Ushindi huo unaifanya Yanga kujikusanyia pointi 46 sawa na Simba huku Yanga ikiwa na tofauti ya magoli (Goal Difference) ya 22 wakati Simba ina 21.

Kwa hali hii, michezo ya mwisho ya ligi kwa timu hizi mbili itakuwa ya umuhimu mkubwa kwani ndizo zitakazoamua bingwa wa ligi hiyo. Yanga itakwaana na Toto Africa Jijini Mwanza wakati Simba itaikaribisha Majimaji Jijini Dar.

Magoli katika mchezo wa leo yalifungwa na Iddi Mbaga aliyefunga mabao mawili pamoja na Davis Mwape. Goli la kufutia machozi la Lyon lilifungwa na beki wa Yanga Chacha Marwa katika harakati za kuokoa.

Tusubiri Jumapili kama ubingwa utatua Jangwani au Msimbazi.

Ligi Kuu ya Vodacom

2011-03-30T18:38:00.002+03:00

Yanga 2 Azam FC 1

Mbio za kuelekea katika ubingwa wa ligi kuu ya soka ya Vodacom imezidi kunoga baada ya Yanga kuichapa Azam FC 2-1.

Ushindi huo unaifanya Yanga kujikusanyia pointi 43 ikiwa ni pointi 2 tu nyuma ya Simba yenye pointi 45. Timu zote zimebakiza michezo miwili.

Katika mchezo wa leo uliopigwa kwenye uwanja wa Uhuru, Azam ndiyo iliyokuwa ya kwanza kupata bao katika dakika ya 4 kupitia kwa John Boko.

Yanga ilisawazisha katika dakika ya 42 na kuongeza bao jingine katika dakika ya 68 yote yakiwa yamefungwa na Jerry Tegete.

2011-03-12T18:26:00.003+03:00

Yanga 0 JKT Ruvu 0

Yanga leo jioni imelazimishwa sare ya 0-0 katika mchezo wa ligi kuu ya Vodacom iliyopigiwa kwenye uwanja wa Uhuru.

Simba ilikuwa inaongoza 2-0 dhidi ya AFC huko kwenye uwanja wa Sheikh Amri Abeid Arusha.

Yanga vs Simba

2011-03-04T17:58:00.006+03:00

Chinja hao!!!!!!!

Hatimaye mpambano unaosubiriwa kwa hamu kubwa na mashabiki wa soka nchini, Yanga na Simba zinatarajiwa kupambana vikali kwenye uwanja wa Taifa katika mchezo wa duru la pili la ligi kuu ya Vodacom.

Timu zote mbili zilikuwa zimeikimbia Dar es Salaam, Yanga ikiweka kambi huko Bagamoyo wakati Simba ikivuka maji hadi huko Zanzibar.

Hili litakuwa pambano la kwanza la watani wa jadi kwa kocha Sam Timbe ambaye alianza kuinoa Yanga mwanzoni mwa mwezi uliopita. Silaha kubwa zinazotegemewa na Yanga ni mshambuliaji kutoka Zambia Davies Mwape ambaye alisajiliwa katika dirisha dogo la usajili na ameonyesha uwezo mkubwa katika kupachika mabao. Pia Yanga inajivunia ngome yake ambayo imefungwa mabao manne tu tangu ligi hiyo ilipoanza.

Timbe amekuwa akimchezesha zaidi beki Chacha Marwa na Nadir Haroub tofauti na kocha aliyepita Kostadin Papic ambaye alikuwa akimpa nafasi Issac Boakye kutoka Ghana ambaye tangu alipovurunda katika mechi dhidi ya Dedebit ya Ethiopia, benchi limekuwa likimwandama.

Kwa upande wa Simba nayo pia inajivunia mshambuliaji wake hatari Mbwana Samatta ambaye tangu alipomaliza mgomo wake wa kujiunga na Simba, ameipa uhai mkubwa safu ya ushambuliaji ya timu hiyo. Halikadhalika Mganda Patrick Ochan anaonekana 'kufufuka' katika mzunguko wa pili wa ligi.

Katika ulinzi Simba imepata pigo baada ya beki wake Joseph Owino kuumia hivyo nafasi yake huenda ikazibwa na Kelvin Yondani akishirikiana na Juma Nyoso. Katika lango huenda kipa Ally Mustafa 'Barthez' akakaa golini kufuatia kiwango cha Juma Kaseja kushuka katika michezo ya hivi karibuni.

Shughuli nyingine katika pambano hilo inatarajiwa kuwa katika kiungo ambapo Yanga ina wachezaji mahiri kama Godfrey Bonny, Nurdin Bakari, Chuji na Omega Seme huku Simba ikiwategemea zaidi Mohamed Banka, Amri Kiemba na Jerry Santo.

Katika pambano la mzunguko wa ligi hiyo, Yanga iliilaza Simba 1-0 huko Mwanza kwa bao liliofungwa na Jerry Tegete.

Tusubiri dakika 90 za mwamuzi Oden Mbaga.

2011-02-28T08:42:00.001+03:00

Yanga kurejea kileleni leo?

Yanga ikiwa chini ya Sam Timbe leo ina nafasi nyingine ya kurejea kileleni mwa Ligi Kuu endapo itaishinda Ruvu Shooting kwenye Uwanja wa Jamhuri mjini Morogoro.

Timbe ana kibarua cha kuhakikisha timu yake inarudi kileleni itakapovaa wanajeshi hao huku wakifahamu kuwa ushindi utawarejesha kileleni mwa msimamo wa ligi hiyo.

Yanga yenye pointi 35 sawa na Azam ina mchezo mmoja pungufu ya vijana hao wa lambalamba ambao wamekuwa wakiongoza hadi jana kabla ya mechi baina ya Simba na Mtibwa Sugar ambayo Simba iliibuka mshindi kwa mabao 4-1.

Hata hivyo, Yanga leo itacheza mchezo huo huku ikiwa inahitaji ushindi wowote ili kukaa tena kileleni, lakini mchezo huo unatarajiwa kuwa mgumu kwa pande zote mbili kutokana na kuwa viwango tofauti.

Ruvu Shooting ina pointi 15 baada ya kucheza michezo 16 ikiwa katika nafasi ya tisa inatafuta pointi tatu ili kujiepusha na hatari ya ya kushuka daraja wakati Yanga inataka kushinda mechi hiyo ili kujiweka katika nafasi nzuri ya kutwaa ubingwa msimu huu.

Katika mchezo huo, Yanga inaweza kutomtumia kipa wake tegemeo, Yaw Berko kutokana na kuwa na kadi mbili za njano, hali ambayo imekuwa ikimtia wasiwasi kochaTimbe.

Kama Timbe atamchezesha Berko na pengine kupata kadi nyingine , basi kipa huyo ataukosa mchezo mwingine dhidi ya watani wao wa jadi ,Simba Jumapili.

Ligi Kuu ya Vodacom

2011-02-17T07:13:00.001+03:00

Mtihani wa Kagera Sugar leo

BAADA ya kutolewa kwenye michuano ya kimataifa mwishoni mwa wiki iliyopita, Yanga leo itakuwa kwenye Uwanja wa Kaitaba Bukoba kumenyana na Kagera Sugar ya huko katika mfululizo wa mechi za Ligi Kuu.

Mechi ya leo ni wakati mzuri kwa Yanga kurudisha umoja katika klabu yao ambayo imekuwa na migogoro kwa tarkiban miezi miwili sasa.

Yanga ikishinda leo itakuwa na uwezo wa kurejea kileleni mwa Ligi Kuu kwani itakuwa na pointi 35 na Simba inayoongoza sasa ina pointi 34.

Timu hizo leo zinaingia uwanjani zikiwa na historia tofauti ya mechi zake zilizopita. Kagera Sugar inaingia ikiwa inajivunia ushindi wa bao 1-0 ilioupata kwa Mtibwa Sugar, lakini Yanga inaingia uwanjani ikiwa imetoka sare ya bila kufungana na Majimaji ya Songea.

Hata hivyo, hilo linaweza lisiizuie Yanga kushinda kwani katika mechi ya mzunguko wa kwanza iliichapa Kagera mabao 2-0.

2011-02-15T11:45:00.002+03:00

Manji ang'oka?

MDHAMINI wa Yanga, ambaye pia ni mfadhili wa klabu hiyo, Yusuph Manji amedaiwa
kujiondoa katika klabu hiyo.

Habari za uhakika kutoka ndani ya Yanga zilizopatikana Dar es Salaam zimedai Manji ameamua kujiondoa ili kupumzisha afya yake baada ya kuchoshwa na kelele za baadhi ya wanachama wa klabu hiyo na pia ubadhirifu wa fedha za klabu kwa baadhi ya viongozi.

Kwa takriban mwezi sasa kumekuwa na mgogoro ndani ya Yanga ukihusisha baadhi ya viongozi na wanachama na wakati mwingine baadhi ya viongozi kwa viongozi.

Wiki iliyopita baadhi ya wanachama wa tawi la Yanga Tandale Kwa Mtogole walimtaka mfadhili huyo aondoke Yanga kwa madai anaivuruga klabu yao.

Kwa mujibu wa chanzo hicho, kilichomfanya mdhamini huyo kujiondoa Yanga ni namna klabu hiyo isivyoendeshwa kwa mpangilio na kwamba fedha nyingi zinatoka lakini hazionekani
zinatumika vipi.

“Yanga kuna ubadhirifu unafanyika ndio maana Manji amekuwa akipiga kelele kila siku ufanyike ukaguzi ili wanachama wanaosema anaivuruga klabu waone nani ni mvurugaji,”kilisema chanzo hicho.

Source:HABARI LEO

Ligi Kuu ya Vodacom

2011-02-05T14:02:00.000+03:00

Majimaji vs Yanga leo

BAADA ya kuadhibiwa na Mtibwa kwa bao 1-0, Yanga leo inatakuwa ugenini mjini Songea kuikabili Majimaji katika mpambano utakaofanyika kwenye Uwanja wa Majimaji.

Kikosi cha Yanga ambacho kiliondoka jijini Dar es Salaam juzi mchana kikiwa na wachezaji 20, tayari kimewasili mjini hapa. Awali walishindwa kufika hapa kwa wakati baada ya basi wanalolitumia kusafiria kuharibika maeneo ya Chalinze mkoani Pwani.

Yanga ambayo bado inashikilia usukani wa ligi hiyo kwa pointi moja, 31 huku Simba ikiwa na pointi 30, itabidi ifanye kazi ya ziada kuchukua pointi tatu mbele ya Majimaji yenye pointi 10 ambayo itapigana kutaka kujinasua kutoka mkiani inakoshikilia nafasi ya 11 kati ya timu 12.

Ugumu mwingine wa mpambano wa leo unatokana na sababu za kihistoria ambazo zinatueleza kuwa vijana hao kutoka Mitaa ya Jangwani na Twiga jijini Dar es Salaam mara nyingi wamekuwa wakiambulia matokeo mabaya wanapocheza katika dimba hilo la nyumbani la Majimaji.

Kocha wa Yanga, Fred Felix Minziro alisema juzi kabla ya kuondoka kuwa amewaambia wachezaji wake wajiepusha na kufikia matokeo yaliyopita bali wajipange kuhakikisha wanashinda mechi ya leo na nyingine zinazofuata.

2011-02-05T14:00:00.001+03:00

Sam TImbe kocha mpya Yanga

HATIMAYE klabu ya Yanga, imemtambulisha kocha mpya, Sam Timbe kuziba nafasi ya aliyekuwa kocha wa timu hiyo, Kosta Papic aliyetimkia kwao baada ya migogoro ya hapa na pale ndani ya klabu hiyo.

Kocha huyo alitambulishwa jana kwa waandishi wa habari ofisini kwa mfadhili mkuu wa timu hiyo, Yusuf Manji jengo la Quality Plaza, Barabara ya Nyerere. Hata hivyo, alisema kuwa hajamalizana na Yanga kuinoa timu hiyo.

"Najua kuna mpasuko Yanga, viongozi hawaelewani, naomba tuwe marafiki tushirikiane, viongozi, wachezaji na mashabiki kwa ajili ya maendeleo ya Yanga, bila hivyo timu haiwezi kufanya vizuri," alisema Timbe.

Sam Timbe aliyeziongoza SC Villa na Polisi na kutwaa ubingwa wa Afrika Mashariki na Kati michuano iliyofanyika Tanzania mara zote, ataanza kuinoa timu hiyo kwa majaribio kabla ya kupewa mkataba wake.

Timbe alisema bado hawajamaliza na uongozi wa Yanga kuhusu mkataba wake na ameondoka jana kurudi Uganda na anatarajia kurejea nchini Jumapili na kuongoza jahazi la timu hiyo.

Kocha huyo wa Atraco alikuwa na ndoto kubwa za kunoa timu za Tanzania hususani Simba na Yanga na alidai kuwa bado anafanya mazungumzo na anatarajia yataenda vizuri, na iwapo watafanikiwa kusaini mkataba habari za ndani zinadai kuwa atasaini wa mwaka mmoja.

Kombe la Shirikisho Afrika

2011-01-29T18:13:00.002+03:00

Yanga 4 Dedebit 4

Yanga leo imeanza kampeni yake ya jkuwania Kombe la Shirikisho Afrika kwa kusuasua baada ya kulazimishwa sare ya 4-4 kwenye Uwanja wa taifa Dar es Salaam.

Yanga ilikuwa ya kwanza kupat bao kupitia kwa Nadir Haroub lakini Wahabeshi hao walisawazisha na kuongeza mabao mengine mawili kabla ya Nurdin kuifungia Yanga bao la pili dakika chache kable ya mapumziko.

Katika kipindi cha pili Dedebit iliongeza bao la nne na wakati mashabiki wakiondoka uwanjani katika dakika za lala salama Godfrey Bonny aliisawazishia Yanga bao la nne.

Ligi Kuu ya Vodacom

2011-01-24T18:29:00.003+03:00

Yanga 2 Polisi Dom 0

Yanga leo imezidi kupaa katika msimamo wa ligi kuu ya Vodacom baada ya kuichapa Polisi Dodoma kwa mabao 2-0 katika Uwanja wa Uhuru jijini Dar es Salaam.

Yanga sasa inaongoza ligi hiyo kwa kujikusanyia jumla ya pointi 31 ikiwa imewaacha watani wao wa jadi Simba kwa pointi nne.

Mabao yote ya Yanga yamefungwa na mshambuliaji hatari kutoka Zambia Davies Mwape.

Ligi Kuu ya Vodacom

2011-01-24T17:35:00.004+03:00

Yanga vs Polisi Dom

Yanga leo ina nafasi ya kuzidi kupaa katika msimamo wa ligi kuu ya Vodacom pale itakapoikaribisha Polisi Dodoma katika Uwanja wa Uhuru jijini Dar es Salaam.

Yanga inaongoza ligi hiyo kwa kujikusanyia jumla ya pointi 28 ikiwa ni pointi moja mbele ya watani wao wa jadi Simba.

2011-01-24T17:30:00.002+03:00

Mwalusako ajiuzulu Yanga

Katibu Mkuu Lawrance Mwalusako kujiudhuru kwa sababu alizoziita za "kiafya".

Juzi Mwalusako aliandika barua kwa mwenyekiti Nchunga ya kujiuzulu kuendelea kuitumikia klabu hiyo akiwa kama katibu wa kuajiliwa.

Habari za uhakika zilizotolewa na mmoja wa viongozi wa Yanga zimeeleza kuwa Mwalusako kajiuzulu baada ya kukutana na Manji na kumtaka afanye hivyo kwa sababu hataki kufuata anayoagizwa na mdhamini huyo.

Kiongozi huyo alisema mdhamini huyo alichukizwa na Mwalusako kwenda kwenye mkutano wa viongozi wa Matawi ambao ulimtaka Nchunga asimamishwe kutokana na kutaka kuiuza Yanga kinyemela bila kushirikisha kamati ya Utendaji.

Alisema kosa jingine lililomtoa Mwalusako ni kuikana barua ambayo ilikuwa imeandikwa na Nchunga kwa Francis Kifukwe ya kumtaka atafute watu kumi watakatoa milioni 50 kwa Mwaka na kufikisha milioni 500 ambazo zitakuwa kama mtaji wa kuanzisha Yanga Kampuni.

Mbali na hayo pia Manji alimwambia kuwa astahili kubaki Yanga kutokana na ubadilifu wa fedha alioufanya ambazo zilikuwa ni fedha za usajili 100 milioni ambazo Mwalusako alishazitolea ufafanuzi.

Kiongozi huyo alidai kuwa Manji amekuwa akitumia fedha zake kwa ajili ya kuwapa wanachama kitu kidogo na kuendeleza migogoro inayoendelea hivi sasa.

Source - Mwananchi

2011-01-24T17:17:00.001+03:00

Manji ajieleza kuhusu Mtemvu

MFADHILI wa Yanga, Yusuf Manji ameibuka na kutoa sababu za yeye kumteua Mbunge wa Temeke, Abbas Mtemvu kuingia kwenye bodi ya wadhamini wa klabu hiyo.

Akizungumza na kituo cha Televisheni cha TBC, Manji alisema kabla ya Mtemvu kutangazwa kuwa mmoja wa wajumbe wa bodi ya wadhamini aliwasilisha hoja ya kutaka aongezwe mbunge mmoja na mfanyabiashara mmoja kwenye bodi ya wadhamini ya klabu hiyo katika kikao cha kamati ya utendaji kilichokaa Novemba 30, mwaka jana kwenye hoteli ya Lamada jijini Dar es Salaam

“Hayo yalikuwa ni maoni yangu baada ya kuona wenzetu wa Simba tayari wana watu wa kuwatetea na kuwatatulia matatizo yao kwa haraka pale watakapokwama, mwenyekiti wao Rage ni mbunge, wana watu wengi bungeni kama Mohamed Dewji, Idd Azan, Musa Hassan ‘Zungu’ Makongoro Mahanga, wote ni wa hapa Dar es Salaam Yanga wana nani?”alisema kwa kuhoji.

“Ndio maana nilimpendekeza Mtemvu kwa vile niliona ana vigezo vinavyostahili, Halima Mdee ni mpya sijui ana mapenzi na timu gani kati ya Simba au Yanga, kuna hati za kufuatilia ardhi kwa ajili ya ujenzi wa ule uwanja wetu umekwama kuendelea kujengwa kwa vile kuna watu wamevamia pale wanatakiwa waondolewa sasa nani atafuatilia ardhi.

“Yanga imekuwa ikihangaikia uwanja kila kukicha, lakini kama tuna mtu Mbunge akiungana na Mbunge wa Simba ni rahisi kukaa na Waziri mhusika wakatatuliwa tatizo lao kwa urahisi tofauti na mimi, lakini wao kama wanaona Mtemvu hafai basi watafute mbadala mimi simng’ang’anii,”alisisitiza.

“Mimi kumteua Mtemvu si kwa utashi wangu ni baada ya mwenyekiti Lloyd Nchunga kunipa idhini hiyo ya kumtafuta mtu ambaye namuona anafaa, lakini kwa vile hawamtaki tusilumbane kwa ajili ya masuala haya tukaipeleka Yanga kwenye migogoro isiyokuwa na maana mimi nawaomba watafute mbadala na hata kama wanataka na mimi niondoke nipo tayari kukaa pembeni na kuwaachia Yanga yao."

SOURCE - MWANANCHI

Ligi Kuu ya Vodacom

2011-01-21T19:43:00.001+03:00

Yanga 6 AFC 1

Ikicheza kwa maelewano na kujiamini, Yanga leo imeanza mzunguko wa pili wa ligi kuu ya Vodacom kwa kishindo baada ya kufunga bila huruma AFC ya Arusha kwa jumla ya magoli 6 kwa 1.

Yanga ndio ilikuwa ya kwanza kupata bao lililofungwa na Idd Mbaga dakika ya 23 ya mchezo, na baadae kidogo Nsajigwa akafunga goli la pili kwa mkwaju wa penati dakika ya 28 ya mchezo. Davis Mwape ambaye amesajiliwa hivi karibuni alidhihirisha kuwa yeye ni mfungaji baada ya kupachika goli safi dakika ya 43 ya mchezo. Hivyo hadi mapumziko Yanga ilikuwa inaongoza kwa mabao 3 kwa bila.

Kipindi cha pili kilishuhudia Yanga ikiendeleza ubabe baada ya Mwape kufunga mabao mawili, huku Mbaga, mshambuliaji chipukizi ambaye anaonekana michuano ya mapinduzi imemjenga, akiongeza bao lingine, kuhitimisha magoli karamu ya magoli 6.

Source: YANGA

.

2011-01-21T16:33:00.001+03:00

Wanachama: Nchunga asimamishwe

HALI ya hewa ndani ya Yanga, imezidi kuchafuka baada ya uongozi wa matawi wa klabu hiyo kuiagiza Kamati ya Utendaji, imsimamishe haraka Mwenyekiti wao, Lloyd Nchunga mpaka utakapofanyika Mkutano Mkuu wa wanachama wote kuamua hatma yake.

Hatua hiyo imekuja baada ya jana uongozi huo kupata barua ambayo Nchunga, alimwandikia mmoja wa wajumbe wa bodi ya udhamini, Francis Kifukwe ikimuagiza atafute wajumbe 10 kwa ajili ya kufufua kampuni ya Yanga.

Wakizungumza Dar es Salaam jana Makao Makuu ya klabu hiyo, mitaa ya Twiga na Jangwani, katika mkutano wao, uongozi huo chini ya Mwenyekiti wake Mohammed Msumi, uliiagiza Kamati ya Utendaji kutekeleza haraka agizo hilo.

"Huku tunakokwenda si pazuri hata kidogo, kwa kuwa tunauzwa bila kujielewa na ili kuinusuru hali hii tunaomba, Nchanga asiamishwe haraka mpaka utakapofanyika Mkutano Mkuu wa wanachama," alisema Msumi ambaye ni Mwenyekiti wa matawi.

Alisema maazimio hayo yamependekezwa na viongozi 84 wa matawi, ambao walihudhuria mkutano huo wa jana ulioanza saa nane mchana.

Msumi alisema katika barua hiyo ya Nchunga aliyomwandikia Kifukwe, atafute wajumbe hao ambao kila mmoja atakuwa na uwezo wa kuikopesha Yanga sh. milioni 50 kwa mwaka bila riba, klabu hiyo iwe na mtaji wa sh. milioni 500.

Barua hiyo ambayo nakala yake tunayo, ilieleza wajumbe hao 10 watafutwe haraka ili wafufue kampuni hiyo kwa lengo la kufanya biashara kwa kutumia nembo ya Yanga kwa kipindi cha miaka 10.

Ilieleza kuwa katika wajumbe hao kumi watamchagua Mwenyekiti wao, ambao watafanya biashara na Yanga kwa kipindi cha miaka mitatu, baada ya hapo watarudishiwa fedha yao waliyoitoa na klabu kurudi mikononi mwa wanachama na wakati huo Yanga tayari itakuwa na mtaji wake wa kutosha.

Katika mkutano huo wa viongozi wa matawi ulimtaka Katibu Mkuu wa klabu hiyo, Lawrence Mwalusako awafafanulie kama Kamati ya Utendaji ilipitisha maamuzi hayo, lakini katibu huyo alidai kwamba yeye kwa mara ya kwanza barua hiyo aliiona katika kikao chama Kamati ya Utendaji kilichofanyika juzi.

"Mimi barua hii niliiona katika kikao cha Kamati ya Utendaji kilichofanyika jana, ambapo Mwenyekiti wetu Nchunga alitukabidhi na kamati iliamua lisifanyike jambo hili mpaka watakapopitia baadhi ya vifungu vya katiba," alisema Mwalusako.

Katika mkutano huo viongozi hao wa matawi ulipitia ajenda kuu tatu, ushiriki wa timu yao katika mzunguko wa pili wa Ligi Kuu Tanzania Bara, Kombe la Shirikisho (CAF) na mgongano wa viongozi na uvunjwaji wa katiba.
.

2011-01-05T07:58:00.004+03:00

Minziro kocha msaidizi Yanga

Kocha wa Ruvu Shooting, Freddy Minziro ameteuliwa kuchukua nafasi ya Salvatory Edward kuwa msaidizi wa Kostadin Papic Yanga.

Habari za uhakika kutoka ndani ya Yanga zilizopatikana Dar es Salaam jana zilisema kuwa tayari Yanga imesharidhiana na uongozi wa Ruvu Shooting, hivyo Minziro anatarajiwa kuungana na Yanga leo Zanzibar.

“Ndio hivyo, ni kweli taarifa hizo zipo kwamba Minziro sasa anakuwa msaidizi wa Papic Yanga baada ya kuonekana nafasi ya usaidizi Salva haimudu ndio maana uongozi ukaona umpe jukumu hilo Minziro,” alisema mtoa habari wetu ndani ya Yanga.

Hata hivyo huenda hiyo ndio safari ya Minziro kupewa Yanga kwani kocha Papic mkataba wake unamalizika mwishoni mwa msimu huu na kuna kila dalili za kutohitajiana, si Yanga wala Papic anayemhitaji mwenzake.

Habari zilizopatikana jijini juzi zilisema kuwa kocha huyo tayari ameshaanza kufanya mchakato wa kutafuta nyingine ya kufundisha atakapoondoka Yanga na ameagiza rafiki zake sehemu mbalimbali kumfanyia kazi hiyo.

Inadaiwa kuwa kinachomfanya Papic aondoke ni hali ya kukosekana kwa morali kwa wachezaji ambao hivi karibuni waligoma wakishinikiza kulipwa sehemu ya fedha zao za usajili.

“Kocha amechoshwa, anahisi timu itafanya vibaya kwenye mashindano kwa vile wachezaji hawana morali kutokana na kudai fedha zao za usajili, pia klabu haina fedha kwa sasa kwani mfadhili wetu Yusuf Manji ni kama hayupo kwa vile hatoi tena msaada kama ilivyokuwa mwanzo na kusababisha klabu kushindwa kujiendesha”.

2011-01-05T07:49:00.003+03:00

Chuji: Nimebakiza miezi 2 Yanga

Athuman Iddi 'Chuji' alisema juzi kuwa hataongeza mkataba wa kuichezea klabu hiyo baada ya kumalizika mkataba wake miezi miwili ijayo.

Akizungumza juzi jijini Dar es Salaam na kituo cha televisheni cha Clouds TV kupitia kipindi chake cha Sport bar, Chuji alisema kuwa amefikia uamuzi wa kutoongeza mkataba wa kuichezea klabu hiyo baada ya kuchoshwa na maneno ya uongo ambayo baadhi ya viongozi wa Yanga wamekuwa wakiyapeleka kwa kocha wake, Kostadin Papic.

"Kwa kweli niseme wazi kwamba sina raha Papic alipokuja tu hakuwa na tatizo, isipokuwa kuna baadhi ya viongozi(hakuwataja) ndio wamekuwa wanapeleka maneno ya uongo kwake kwamba mimi sina nidhamu.

"Watu hao hao ndio waliokuwa wanapinga ujio wangu Yanga wakati natokea Simba, hali hii imesababisha Papic hataki kabisa hata kuniona.

"Ninachosubiri sasa ni mkataba wangu uishe baada ya miezi miwili halafu baada ya hapo sitaongeza tena mwingine bali nitatafuta timu nyingine kama ni hapa nyumbani au nje na maisha yataendelea,"alisema Chuji.

Chuji, pia alitumia nafasi hiyo kuelezea tukio la kukorofishana na Papic wakati wa mazoezi ya timu hiyo kwenye Uwanja wa Uhuru hivi karibuni akisema alishangaa kocha huyo kususia wakati kitendo hicho hicho cha kutoka nje alichokifanya yeye alikifanya Shadrack Nsajigwa siku moja kabla ya tukio hilo.

"Unajua tatizo Papic ameshapandikizwa vitu ambavyo hata iweje anaona Chuji ni mtovu wa nidhamu, hebu fikiria siku ile mazoezini alisusa kuendelea baada ya mimi kutoka nje, lakini siku moja kabla Nsajigwa alifanya kitu hicho hicho, lakini hakuchukua uamuzi wowote.

Alipotafutwa na Mwananchi Papic alikanusha madai ya Chuji kwamba amekuwa akipelekewa maneno ya uongo na baadhi ya viongozi wa klabu hiyo na kusisitiza kwamba kutokuwepo kwa kiungo huyo katika kikosi chake kwa sasa kunatokana na kuwa majeruhi.

Kombe la Shirikisho Afrika 2011

2010-12-21T07:04:00.004+03:00

Yanga kuanza na Wahabeshi

Shirikisho la soka barani Afrika limetoa ratiba ya michuano yake ya vilabu kwa mwaka 2011.

Katika ratiba hiyo, Yanga imepangiwa kuanza katika raundi ya awali dhidi ya klabu ya Dedebit ya Ethiopia na kisha kuwafuata Wahabeshi hao wiki mbili baadaye. Mchezo wa kwanza utapigwa kati ya Januari 28.29 na 30.

Endapo Yanga itavuka kikwazo hicho, itabidi isafiri hadi Misri kupambana na Haras El Hadood katika raundi ya kwanza.

Habari ndiyo hiyo.

2010-11-18T07:57:00.003+03:00

Papic kuondolewa?

MDHAMINI wa Yanga Yusuf Manji amemtwisha mzigo Makamu Mwenyekiti wa klabu hiyo, Davis Mosha kutafuta kocha atakayechukua nafasi ya Kostadin Papic atakapomaliza mkataba wake mwishoni mwa msimu huu.

Habari za uhakika kutoka kwa uongozi wa Yanga zinadai, Manji amemtaka Mosha kufanya kazi hiyo kwa kushirikiana na mjumbe wa Kamati ya Ufundi, Seif Ahmed.

Pia Manji inadaiwa amependekeza Mosha na mwenzake washughulikie suala la kumrudisha mshambuliaji Mrisho Ngasa aliyeuzwa Azam kwa mkataba wa mwaka mmoja na kukamilisha usajili wa mchezaji Mghana Kenneth Asamoah.

“Manji ametuma taarifa yake kwa viongozi kwamba hayo ndio mapendekezo yake baada ya kuzungumza na wachezaji na kutoa maoni yao juu ya kocha na nini kiboreshwe kwenye timu,” alisema mtoa habari wetu.

Manji alikutana na wachezaji wa Yanga wiki mbili zilizopita na kuwataka kutoa maoni yao juu ya Papic baada ya kuwepo madai kwamba Kamati ya Utendaji ya klabu hiyo haimtaki.

“Taarifa ya Manji kuja kwetu inasema alivyozungumza na wachezaji wameonesha kwamba wanamhitaji kocha na hivyo maamuzi yake ni kuwa amemuongezea mkataba wa mwaka mmoja ambao utakwisha mwishoni mwa msimu wa 2010/2011 na kipindi hicho Mosha ashughulikie suala la kumpata mbadala wa Papic,”alisema mtoa habari huyo.

Kuhusu Ngasa Yanga ilimuuza kwa Azam mwishoni mwa msimu uliopita, suala ambalo wanachama na mashabiki wengi walionekana kulipinga na kufanya iwe moja ya ajenda za kampeni kutoka kwa waliokuwa wakigombea uongozi Yanga katika uchaguzi mkuu uliofanyika Julai.

2010-11-18T07:38:00.003+03:00

Abdi Kassim aenda Vietnam

Kiungo wa klabu ya Yanga Abdi Kassim ameondoka nchini kwenda katika majaribio ya soka la kulipwa huko Dubai.

Afisa habari wa klabu hiyo, Louis Sendeu alisema Kassim ameelekea nchini humo kwa ajili ya kufanya majaribio na klabu ya Dong Tam Long An ya Vietnam, ambayo ipo nchini Dubai na kuwa yalianza Novemba 11 na yatamalizika Novemba 19 mwaka huu.

Mchezaji wa timu ya taifa, Danny Mrwanda naye anakipiga katika klabu hiyo.

2010-11-13T13:04:00.001+03:00

Nembo ya Yanga kutumika kibiashara

UONGOZI wa klabu ya Yanga umepanga kukusanya Shilingi moja bilioni kwa mwaka kutokana na kuitangaza nembo yao ambayo tayari wameshatangaza zabuni kwa makampuni na wadau mbalimbali.

Mmoja kati ya watu ambao wamejitokeza kununua zabuni hiyo ni mdhamini wa klabu hiyo, Yusuf Manji ambaye tayari ameshaanza kulipia Shilingi12 milioni kila mwezi tangu Machi na kupewa kibali cha kuendesha televisheni na gazeti.

Hata hivyo, chanzo cha habari kutoka klabu hiyo kimeiambia Mwananchi kuwa mdhamini Manji tayari amesajili shuguli 16 tofauti ambazo zitatengenezwa na kuuzwa huku klabu ikipanga kupata kiasi hicho cha fedha.

" Hiyo ni nia ya dhati na klabu yetu, tayari imeshawekwa mikakati ya kuhakikisha klabu inanufaika na nembo yake, vitu vitakavyotengenezwa na kuuzwa ni skafu, kanga, tisheti, vitabu mbali mbali vya shule, majarida, kofia, mikoba ya shule, na vitu vingine,"alisema kiongozi huyo kwa sharti la kutotajwa jina.

"Unajua Yanga hivi sasa ina wanachama 10,000 lengo la mdhamini ni kuhakikisha tunafikia wanachama 100,000 na viti hivyo vikiuzwa klabu itanufaika na yeye atanufaika pia, klabu itakusanya zaidi ya bilioni moja kwa mwaka,"alisema

Katibu mkuu wa klabu hiyo, Lawrence Mwalusako alipoulizwa kuhusu maendeleo hayo alikiri kuwa mikakati hiyo ipo, na tayari makampuni manne zaidi yamejitokeza kununua nembo hiyo ambayo watashirikiana na Manji.

Hata hivyo, Mwalusako hakuwa tayari kuyataja makampuni hayo kwa maelezo kuwa bado wanapitia vigezo mbalimbali kabla ya kuyatangaza.

2010-10-27T14:17:00.005+03:00

Mechi za leo

Yanga vs African Lyon
Kagera Sugar vs Simba

2010-10-26T14:14:00.003+03:00

Asamoah mpaka raundi ya pili

Shirikisho la Soka Tanzania (TFF) jana limetoa tamko rasmi kuhusu sakata la mshambuliaji Kenneth Asamoah kuwa hataweza kuichezea timu hiyo katika kipindi cha mzunguko wa kwanza wa Ligi Kuu, labda asubiri dirisha dogo la usajili.

Hatua hiyo imekuja baada ya klabu ya Yanga kulishutumu shirikisho hilo kwamba ndio wamesababisha mchezaji huyo kutoichezea klabu hiyo hadi sasa.

Akizungumza na Jijini jana, Mkurugenzi wa Ufundi wa TFF, Sunday Kayuni alisema tatizo lililokuwepo ni malipo ya uhamisho wa mchezaji huyo ambayo Yanga ilipaswa kuyafanya mapema zaidi kwa klabu ya Serbia.

"Sisi hatuhusiki kabisa juu ya suala la Asamoah, Yanga wenyewe ndiyo wakuwa wakijichangaya kwa sababu mpaka wakati tunafunga usajili mwezi Julai walikuwa wajifika makubaliano ya uhamisho wake.

"Kutokana na hali hiyo Shirikisho la Soka la Kimataifa (Fifa) lilikataa kutoa kibali cha kumruhusu mchezaji huyo kwa sababu tayari muda wa usajili ulikuwa umemalizika labda wasubiri katika dirisha dogo la usajili mwezi Januari," alisema Kayuni.

2010-10-23T14:32:00.003+03:00

Ni Azam vs Yanga

Baada ya kulazimishwa sare na JIKT Ruvu katika mchezo wa ligi kuu ya Vodacom Tanzania, Yanga itateremka dimbani tena Jumapili hii kupambana na Azam FC katika uwanja wa Mkwakwani huko Tanga.

Kivutio kikubwa katika mpambano huo ni mchezaji Mrisho Ngassa ambaye alihama klabu ya Yanga na kuhamia Azam kwa uhamisho uliovunja rekodi ya usajili kwa Tanzania.

Yanga inaongoza ligi hiyo kwa kujikusanyia jumla ya pointi 20 na ina rekodi ya kufungwa goli moja tu mpaka sasa wakati azam ndiyo timu iliyofunga mabao mengi katika ligi hiyo. Azam ina mabao 10.

Michezo ya ligi hiyo itakayopigwa leo ni Toto vs African Lyon, Ruvu vs Mtibwa na AFC vs Polisi Dom.

Kesho Simba itaumana na JKT Ruvu.

.

2010-10-21T14:36:00.002+03:00

Shughuli kwa JKT leo

BAADA ya kuichapa Simba bao 1-0 katika mchezo wa saba wa ligi kuu Tanzania bara timu ya Yanga inashuka dimbani leo kucheza na JKT Ruvu katika mchezo utakaochezwa katika Uwanja wa Jamhuri Morogoro.

Yanga ambao ni vinara wa ligi kuu waliwa na pointi 19 na kuwaacha watani wao kwa pointi 4 leo watakuwa na kazi ya ziada kuwakabili maafande wa jeshi JKT Ruvu ambao wanapointi 11.

Leo kutakuwa kunamichezo miwili ya ligi kuu ambayo ni Yanga na JKT Ruvu na Toto Afrika wakiwakaribisha jirani zao Kagera Sugar katika uwanja wa CCM Kirumba

.

2010-10-16T18:20:00.003+03:00

Simba achinjwa Mwanza

Bao pekee liliofungwa na Jerry Tegete katika dakika ya 71 limetosha kuipa timu ya Yanga ushindi wa 1-0 katika mchezo wa ligi kuu ya Vodacom ulioisha hivi punde.

Tegete alianza siku ya leo kwa kuacha ujumbe kwenye facebook "Huu wa leo kama ni mziki basi segere huku yanga huku simba ngoma ipo kati mpaka kieleweke!! Gudmrn' friends n' siku njema wish us luck pls!" bila shaka alijua kwamba leo itakuwa siku ya pekee kwake.

Hongera wana Jangwani.

Ligi Kuu ya Vodacom

2010-10-16T16:20:00.000+03:00

Mechi ya leo

Simba vs Yanga

2010-09-28T13:58:00.003+03:00

Laurent Kabanda hatunaye

Mchezaji wa zamani wa Yanga Laurent Kabanda amefariki dunia.

Kwa mujibu wa habari ambazo zimethibitishwa na Afisa Habari wa klabu hiyo Louis Sendeu, Kabanda amafariki jana asubuhi mara baada ya kutoka katika mazoezi huko Lubumbashi DRC.

Kabanda aliichezea Yanga msimu wa mwaka 2007/8 wakati huo Yanga ikiwa chini ya kocha Dusan Kondic. Hata hivyo Kabanda licha ya kusajiliwa kwa fedha nyingi kutoka APR ya Rwanda, aliitoroka Yanga baada ya kutofautiana na kocha huyo.

Ligi Kuu ya Vodacom

2010-09-23T15:41:00.001+03:00

Mechi ya leo

Yanga vs Kagera Sugar

Ligi Kuu ya Vodacom

2010-09-18T13:31:00.002+03:00

Mechi za leo

Yanga vs Majimaji

Toto Africa vs Azam

Mtibwa Sugar vs Kagera Sugar

Ligi Kuu ya Vodacom

2010-09-15T15:20:00.000+03:00

Mechi za leo

Mtibwa Sugar vs Yanga

Simba vs Ruvu Shooting Stars

Ligi Kuu ya Vodacom

2010-09-11T10:32:00.002+03:00

AFC yaipania Yanga

Ligi Kuu ya Vodacom Tanzania inaendelea leo kwa mechi mbili ambapo Yanga itakuwa ugenini dhidi ya AFC ya Arusha katika Uwanja wa Sheikh Amri Abeid huku Azam na Simba zikiumana katika Uwanja wa Mkwakwani huko Tanga.

Kwa muda wa wiki sasa, AFC imekuwa ikijigamba kuifunga Yanga katika mchezo wa leo ili irudishe imani ya wapenzi wake baada ya kuanza vibaya ligi hiyo. Beki wa zamanai wa Yanga ambaye amejiunga na AFC, Hamis Yusuf 'Waziri wa Ulinzi' ameitahadharisha Yanga kutotarajia mchezo mwepesi leo.

Yanga bado inakabiliwa na wachezaji majeruhi kama Shamte Ally na Kiggi Makasy. Hata hivyo mshambuliaji Kenneth Asamoah amepona hivyo anatarajiwa kuteremka dimbani leo kuwavaa AFC.

2010-09-03T07:53:00.000+03:00

Yanga kuhamia Moro?

Sakata la kutumia Uwanja wa Taifa uliyoko jijini Dar es Salaam kwa timu za Simba na Yanga, limechukua sura mpya baada ya Simba kubadili uamuzi wa kwenda Mwanza na kutaka kubaki jijini Dar es Salaam kwa ajili ya mechi za Ligi Kuu ya Vodacom.

Habari zilizopatikana jana jioni, zinasema kubadili mawazo huko kwa Simba kumepelekea serikali kuinyima Yanga uwanja huo, licha ya kuwepo taarifa za kukubaliwa kuutumia.

Habari hizo, zinabainisha kwamba baada ya vikao vya siku kadhaa kati ya uongozi wa Yanga na serikali kuhusiana na uwanja huo, Yanga ilikubaliwa, lakini kitendo cha watani wao wa jadi kupeleka barua ya maombi kwa siri kimesababisha serikali kubadili uamuzi.

Hatua hiyo, inafuatia Uwanja wa Uhuru kufungwa kwa ajili ya kufanyiwa ukarabati, hali iliyosababisha timu hizo kongwe nchini kusaka viwanja kwa ajili ya michezo inayozikabili.

Awali serikali ilitoa masharti kadhaa ambayo yaliifanya Simba ibadili mawazo na kuamua kutangaza kutumia Uwanja wa CCM Kirumba ulioko mkoani Mwanza.

Kutokana na hali hiyo, Yanga italazimika kuhamishia michezo yake kwenye Uwanja wa Jamhuri, Morogoro.

2010-08-23T16:24:00.003+03:00

Constantine Maligo afariki

Aliyewahi kuwa katibu mkuu msaidizi wa klabu ya Yanga Constantine Maligo amefariki dunia.

Mwili wa marehemu Maligo ambaye aliingia madarakani chini ya uongozi wa Rashid Ngozoma Matunda mwaka 1996 umeagwa leo nyumbani kwake huko Chuo Kikuu cha Dar es Salaam.

Marehemu Maligo aliwahi pia kugombea nafasi ya Ukatibu mkuu mwaka 2007 lakini akashindwa na Lucas Kisasa na mwezi uliopita alishindwa katika nafasi ya Umakamu wa mwenyekiti ambayo ilichukuliwa na Davis Mosha.

Mungu ailaze mahali pema roho ya Marehemu Constantine Maligo.

Ligi Kuu Ya Vodacom

2010-08-21T15:19:00.001+03:00

Pazia kufunguliwa leo

Msimu mpya wa ligi kuu ya Vodacom unafunguliwa leo kwa timu zote 12 zinazoshiriki ligi hiyo kuingia uwanjani.

Ligi ya msimu huu inatarjiwa kuwa ya ushindani kwa vilabu vitatu vya Yanga, Simba na Azam ambazo zinaonekana kufanya usajili makini kwa ajili ya msimu huu mpya.

Timu ya African Lyon tayari imetabiriwa na wengi kuwa haitafanya vizuri katika msimu huu kutokana na kukimbiwa na wachezaji wengi, huku klabu hiyo iliyokuwa inamilikiwa na Mohamed Dewji kuuzwa kwa mfanyabiashara anayejulikana kama Zamunda.

Timu nyingine zitakazoshiriki ligi hiyo ni Polisi Dodoma, Mtibwa Sugar, Kagera Sugar, Majimaji, JKT Ruvu, Ruvu Shooting, Toto Africa na AFC.

Kituko cha aina yake mwaka huu ni usajili wa mchezaji mwanamke ambaye amesajiliwa na klabu ya Polisi ya Dodoma - Mnigeria Biku Bagayajennje.

Mechi zitakazopigwa leo ni:
Polisi Dodoma vs Yanga
African Lyon vs Simba
AFC vs Azam
Toto Africa vs Ruvu Shooting
Kagera Sugar vs JKT Ruvu
Majimaji vs Mtibwa Sugar

2010-08-19T07:16:00.003+03:00

Ngao ya Hisani

Nahodha wa Yanga Fred Mbuna akipokea Ngao ya Hisani kutoka kwa Rais wa TFF Leodgar Tenga baada ya kuifunga Simba kwa penati 3-1.

Ngao ya Hisani

2010-08-18T06:58:00.003+03:00

Kenaaaakooooo!!

Ule msemo maarufu wakati wa Kombe la Dunia 2010 - Ke Nako (its time)umewadia tena safari hii ikiwa ni katika mchezo wa kuwania ngao ya hisani kati ya Simba na Yanga itakayopigwa leo jioni kwenye Uwanja wa Taifa.

Mechi hiyo inazikutanisha timu hizo baada ya kuwa timu zilizoshika nafasi ya juu msimu uliopita wa Ligi Kuu ambapo Simba ilishika nafasi ya kwanza na Yanga nafasi ya pili.

Katika kujiandaa na pambano hilo, Yanga iliweka kambi huko Bagamoyo wakati Simba ikijificha huko Zanzibar.

LIcha ya kujiandaa huko, hakuna timu iliyo na uhakika wa ushindi kwani baadhi ya wachezaji walikuwa wanakabiliwa na malaria na kwa upande wa Simba itamkosa kipa wake tegemeo Juma Kaseja ambaye ameumia kidole.

Endapo pambano hilo litamalizika kwa sare, timu hizo zitawenda moja kwa moja kwenye matuta.

Kivutio kingine katika pambano hilo ni kuwa mechi hii itakuwa ya kwanza kwa uongozi mpya ya vilabu hivi viwili ambavyo hivi karibuni walifanya uchaguzi ambao uliwaweka madarakani Wenyeviti Lloyd Nchunga wa Yanga na Ismail Aden Rage wa Simba.

Tusubiri tuone pambano.

Ngao ya Hisani

2010-08-17T07:29:00.004+03:00

Viingilio vyatajwa

Viingilio vya pambano la Ngao ya hisani kati ya Simba na Yanga litakalopigwa Agosti 18 vimetajwa ambapo kiingilio cha chini ni 5000/=.

VIP A .........40,000/=
VIP B..........30,000/=
VIP C..........20,000/=

ORANGE STRAIGHT 15,000/=

ORANGE CURVED 10,000/=

BLUE ROUND 7,000/=

GREEN ROUND 5,000/=

Ngao ya Hisani 2010

2010-08-03T16:24:00.002+03:00

Yanga vs Simba sasa Agosti 18

Shirikisho la soka nchini TFF imesogeza mbele pambano la Ngao ya hisni kati ya Yanga na Simba lililokuwa lipigwe tarehe 14 Agosti hadi 18 Agosti mwaka huu.

Kusogezwa huko kunatokana na timu hizo mbili kuwa na wachezaji wengi katika timu ya taifa ambayo itakuwa na mchezo wa kirafiki huko Misri. Pambano kati ya Taifa Stars na Mafarao wa Misri linatarajiwa kupigwa Agosti 11 Jijini Cairo.

Kikosi cha Taifa Stars kilichotangazwa jana ni:Kikosi kamili cha Stars kinaundwa na:-
Makipa: Juma Kaseja (Simba), Jackson Chove (Azam), Shaban Hassan Kado wa Mtibwa Sugar.

Mabeki: Shadrack Nsajigwa, Stephano Mwasika, Nadir Haroub 'Cannavaro' (Yanga), Salum Kanoni, Juma Jabu, Kevin Yondan, (Simba), Aggrey Morris, Erasto Nyoni (Azam) na Idrisa Rajabu wa Sofapaka ya Kenya.

Viungo: Nurdin Bakari, Athuman Idd, Kigi Makasi, Abdi Kassim, (Yanga), Abdulhaim Humoud, Uhuru Selemani (Simba), Henry Joseph (Kongsvinger, Norway), Nizar Khalfan(Vancouver Whitecaps, Canada), Jabir Aziz na Selemani Kassim wa Azam.

Washambuliaji: Mrisho Ngasa, John Bocco (Azam), Mussa Mgosi (Simba), Jerryson Tegete (Yanga) na Danny Mrwanda anayekipiga klabu ya DT Long An ya Vietnam.

2010-07-26T07:02:00.003+03:00

Kikosi cha 2010/11

Klabu ya Yanga imetangaza kikosi chake cha msimu wa 2010/11. Wachezaji hao ni Ivan Knezevic(Serbia), Yaw Berko(Ghana), Nelson Kimathi, Shadrack Nsajigwa, Salum Telela, Stephen Mwasika, Abuu Ubwa Zuberi, Nadir Haroub, Isaac Boakye(Ghana), Mohammed Mbegu, Chacha Marwa, Ibrahim Job na Ernest Boakye(Ghana).

Wengine ni Nurdin Bakari, Omega Sunday Seme, Godfrey Bonny, Athuman Iddi, Yahaya Tumbo, Kigi Makasi, Abdi Kassim, Kenneth Asamoah(Ghana), Jerson Tegete, Nsa Job, Iddi Mbaga, Shamte Ally, Razak Khalfan na Fred Mbuna.

2010-07-24T19:25:00.003+03:00

Salva kocha msaidizi Jangwani

KLABU ya Yanga imemteua nahodha wa zamani wa timu hiyo Salvatory Edward kuwa kocha msaidizi kushirikiana na kocha mkuu Mserbia Kostadin Papic.

Pia aliyekuwa Meneja wa timu hiyo Kenneth Mkapa, sasa atakuwa kocha wa kikosi cha pili cha timu hiyo.

Uteuzi wa Salvatory unafuatia maombi ya kocha huyo kutafutiwa msaidizi ambaye hajawahi kuwa kocha katika timu yoyote hapa nyumbani.

Nafasi ya meneja wa timu itazibwa kwa muda na Emmanuel Mpangala.

2010-07-24T19:21:00.001+03:00

Nchunga atangaza kamati

UONGOZI mpya wa klabu ya Yanga chini ya Mwenyekiti wake, Lloyd Nchunga, umepitisha jina la Francis Kifukwe, kuwa mjumbe wa Baraza la Wadhamini na kuteua wajumbe watatu wa Kamati ya Utendaji, akiwamo Mbaraka Igangula.

Kwa mujibu wa Nchunga, maamuzi hayo yalifikiwa katika kikao cha kamati ya utendaji iliyokutana juzi kujadili mambo kadha wa kadha ya klabu hiyo pamoja na kuteua kamati ndogo ndogo.

Nchunga alisema uteuzi huo umezingatia vigezo mbalimbali bila kujali tofauti za makundi yaliyokuwa yameibuliwa na harakati za kuwania uongozi wa klabu hiyo katika uchaguzi wa Julai 18.

Alisema wamefanya hivyo kwa lengo la kudumisha hali ya umoja na mshikamano miongoni mwa wanachama kwa masilahi ya klabu hiyo.

Mbali ya Igangula, wengine walioteuliwa kwenye Kamati ya Utendaji ni Seif Ahmed Seif na Pascal Kihanga.

Kamati zilizoundwa ni Nidhamu, Fedha na Mipango, Ufundi, Mashindano na kamati mpya ya uratibu wa matawi.

Waliomo kwenye Kamati ya Nidhamu ni Mark Anthony (Mwenyekiti), Ishengoma (Makamu Mwenyekiti), Idrisa Ismail, Msafiri Mkeremi na Hafidh Ally.

Kamati ya Fedha na Mipango itakayokuwa chini ya Charles Mgondo, itakuwa na Salum Rupia (Makamu), Isaac Mazwile, Charles Palapala, David Mataka, Michael Malebo na Abel Mtaro.

Kamati ya Ufundi itakayoongozwa na Mohamed Bhinda, wengine ni Ally Mayai Tembele (Makamu), Sekilojo Chambua, Paul Malume, Edgar Chibura, Maneno Tamba na Abeid Abeid.

Seif Ahmed Seif atakuwa mwenyekiti wa Kamati ya Mashindano huku Majid Seif akiwa makamu, wakishirikiana na Abdallah Binkreb, Mzamil Katunzi, Albert Marwa, Moses Katabaro na Lameck Nyambaya.

Nchunga alisema wameunda kamati mpya ya kuratibu shughuli za matawi, ambayo itakuwa chini ya uenyekiti wa Tito Osoro, Kibwana Matokeo (Makamu), Ali Kamtande, Theonest Rutashoborwa, Mzee Yussuf, Sarah Ramadhan na Athuman Fumo.

Aidha, Nchunga alisema kamati ya uchaguzi inabaki kama ilivyo, ambapo nafasi nyingine ikiwemo ya meneja, katibu mkuu wa kuajiriwa na msemaji, utaratibu wake utajulikana baadaye.

Uchaguzi Mkuu Yanga

2010-07-19T08:02:00.004+03:00

Safu mpya ya Uongozi

Mwenyekiti - Lloyd Nchunga
Makamu wa Mwenyekiti - Davis Mosha

2010-07-17T14:24:00.003+03:00

Uchaguzi Mkuu huoo

Hatimaye siku ya uchaguzi mkuu wa klabu ya Yanga imefika ambapo wanachama wa klabu hiyo watapiga kura (Julai 18) katika ukumbi wa PTA Sabasaba kuchagua viongozi wapya.

Wanaowania nafasi hizo ni kama ifuatavyo:

Mwenyekiti
1. Lloyd Nchunga
2. Abeid Abeid
3. Edgar Chibura
4. Mbaraka Igangula
5. Francis Kifukwe

Makamu wa Mwenyekiti
1. Davis Mosha
2. Constatine Maligo

Wajumbe wa kamati ya Utendaji
Yusuf Yasin, Robert Kasela, Shaban Mohamed, Omary Ndula, Atufwigwegwe Mwakatumbula, Evance Matee, David Peter, Majid Simba, Mzee Yusuf, Ramadhan Kampira, Edgar Fongo, Jackson Maagi, Mwinyi Mangara, Hamis Ambari na Mohamed Bhinda.

Wengine ni Isaac Mazwile, Paul Malume, Sarah Ramadhan, Salim Rupia, Dk. David Luhago, Titto Ossoro, Charles Mugondo, Ally Mayay, Pascal Kihanga, Ismail Idrissa, Lameck Nyambaya, John Mayala, Theonest Rutashoborwa na George Manyama.

Tunawatakia uchaguzi mwema

Uchaguzi wa Yanga

2010-07-14T14:39:00.002+03:00

Nyenzi ajitoa

Mgombea wa nafasi ya Umakamu wa Mwenyekiti wa klabu ya Yanga Ayoub Nyenzi amejitoa kuwania nafasi hiyo katika kinyang'anyiro cha uchaguzi mkuu wa klabu utakaofanyika Julai 18.

Kujitoa kwa Nyenzi kunaiacha nafasi hiyo kugombewa na watu wawili Davis Mosha na Constantine Maligo.

Ayubu Nyenzi amejitoa kwenye kinyang’anyiro hicho kwa madai ya sera zake na za baadhi ya wagombea mwenzake wa nafasi hiyo zinafanana. Mgombea mwenzake aliyetajwa kufanana sera ni Davis Mosha.

Kampeni za uchaguzi huo ambambao utafanyika Jumapili bado zinaendelea.

Uchaguzi wa Yanga

2010-07-08T06:20:00.004+03:00

Kampeni zaanza rasmi

Kinyanganyiro cha kuwania nafasi mbalimbali za uongozi ndani ya klabu ya Yanga kinaendelea na hivi sasa wanachama mbalimbali waliopitishwa kugombea nafasi hizo kuanza kampeni.

Francis Kifukwe na Abeid Abeid "Falcon" ambao mwanzoni waliondolewa na kamati ya uchaguzi ya klabu hiyo, hivi sasa nao wapo katika kampeni baada ya kushinda rufaa zao katika kamati ya rufaa ya TFF.

Wanaowania nafasi hizo ni kama ifuatavyo:

Mwenyekiti
1. Lloyd Nchunga
2. Abeid Abeid
3. Edgar Chibura
4. Mbaraka Igangula
5. Francis Kifukwe

Makamu wa Mwenyekiti
1. Ayoub Nyezi
2. Constatine Maligo
3. Davis Mosha

Wajumbe wa kamati ya Utendaji
Yusuf Yasin, Robert Kasela, Shaban Mohamed, Omary Ndula, Atufwigwegwe Mwakatumbula, Evance Matee, David Peter, Majid Simba, Mzee Yusuf, Ramadhan Kampira, Edgar Fongo, Jackson Maagi, Mwinyi Mangara, Hamis Ambari na Mohamed Bhinda.

Wengine ni Isaac Mazwile, Paul Malume, Sarah Ramadhan, Salim Rupia, Dk. David Luhago, Titto Ossoro, Charles Mugondo, Ally Mayay, Pascal Kihanga, Ismail Idrissa, Lameck Nyambaya, John Mayala, Theonest Rutashoborwa na George Manyama.

Uchaguzi huo unatarajiwa kufanyika katika ukumbi wa PTA katika viwanja vya Sabasaba tarehe 18 Juali mwaka huu

2010-06-30T07:22:00.002+03:00

Kifukwe atemwa Yanga

Kamati ya uchaguzi ya Yanga chini ya Jaji mstaafu John Mkwawa imewapiga chini kuwania uongozi ndani ya klabu hiyo Francis Kifukwe, Hashimu Lundenga na Hassan Mwanakatwe kutokana kile kilichotanabahishwa kama kukosa sifa za uongozi.

Kamati hiyo iliyokaa usiku wa kuamkia leo pia imemchinjia baharini tajiri Abeid Abeid 'Falcon' kutokana na kushindwa kuwasilisha vyeti halisi vya shule.

Akizungumza makao makuu ya klabu hiyo leo hii, Ofisa habari wa Yanga, Louis Sendeu kasema Kifukwe ambaye alipewa nafasi kubwa kutokana na kukubalika kwa wanachama na swahiba mkubwa wa mfadhili wao Yusuf Manji alienguliwa baada ya kutotokea kwenye
usaili.

"Kifukwe aliwekewa pingamizi hivyo alitakiwa kufika kwenye usahili ili aweze kujibu tuhuma zinazomkabili za kuuza basi wakati wa uongozi wake lakini hakutokea hivyo kamati imemuengua kwenye kinyang'anyiro cha wagombea."alisema Sendeu.

Sendeu alisema pingamizi lililokuwa likimkabili Lundenga ambalo limesababisha kuondolewa kwenye kinyang'anyiro hicho baada ya kutoa utetezi ambao haujajitosheleza ni wakati wa uongozi wa Iman Madega ambao umemaliza muda wake alikuwa ni mjumbe wa kamati ya utendaji hivyo alishindwa kumshauri vema mwenyekiti kuitisha mkutano na kuweka wazi mapato na matumizi tangu uongozi huo ulivyoingia madarakani mwaka 2006.

Pia Lundenga aliambiwa kuwa alishindwa kumshawishi Madega wasiiondoe timu kwenye michuano ya Kombe la Kagame mwaka juzi 2008 ambao Yanga waligomea mechi kati yao na Simba ya kuwania mshindi wa tatu kwenye michuano hiyo na hivyo kusababisha kufungiwa
kushiriki michuano hiyo ya Kombe la Kagame kwa muda wa miaka
miwili ikiwa ni pamoja na kulipa faini ya dola 35,000.

Hassan Mwanakatwe nae pia alikuwa mjumbe wa kamati ya utendaji kwenye uongozi wa Madega nae alikabiliwa na tuhuma kama za Lundenga.

Kwa maamuzi hayo watakaowania nafasi ya mwenyekiti anayepewa nafasi kubwa baada ya kung'olewa Kifukwe ni wakili Lyoid Nchunga ambaye pia aliwekewa pingamizi la uraia hata hivyo Sendeu alisema Nchunga aliwasilisha vyeti vyake halisi vya kuzaliwa ikiwa ni pamoja na hati ya kusafiria hivyo rufaa iliyokatwa dhidi yake imetupwa.

Hivyo Nchunga hivi sasa atachuana na Mbaraka Igangula, na mwalimu wa Makongo Edgar Chibura wakati kwa upande wa Makamu mwenyekiti ni watakaochuana ni Constatine Maligo, Ayoub Nyenza na David Mosha ambaye anapewa pia nafasi kubwa ya kuibuka kidedea kwenye kinyang'anyiro hicho.

Wanaowania nafasi ya ujumbe kati ya wagombea 30 wagombea 29 wamepita na mgombea mmoja David Mkangwa ameenguliwa kutokana na kushindwa kutokea kwenye usaili.

Sendeu alisema kuanzia Julai 2 hadi 5 ni kipindi cha pingamizi na atakayekata atalazimika kulipa shilingi 500,000 wakati kampeni zimepangwa kuanza rasmi Julai 7 hadi 12 huku uchaguzi mkuu umepangwa kufanyika Julai 18.

2010-06-23T11:09:00.000+03:00

Wagombea waliochujwa Yanga SC watajwa

KAMATI ya uchaguzi ya klabu ya Yanga, imewaengua wagombea sita kwenye kinyang’anyiro cha kuwania uongozi wa klabu hiyo uliopangwa kufanyika Julai 18, wote ni wale waliokuwa wakiwania nafasi ya ujumbe.

Kwa mujibu wa ofisa habari wa klabu hiyo, Louis Sendeu, uamuzi huo umefanywa na kamati hiyo iliyo chini ya Jaji Mstaafu, John Mkwawa, iliyokutana juzi kutokana na wahusika kushindwa kuwasilisha vivuli vya vyeti vyao.

Walioenguliwa kutokana na dosari hiyo ni Seif Mohammed, Saburi Saburi, Edson Mandemane, Abas Bomba, Awadhi Mrido na Ahmed Mamba ambao wote walikuwa wakiwania nafasi ya ujumbe wa Kamati ya Utendaji.

Kwa nafasi ya Mwenyekiti, Sendeu alisema wagombea wote sita waliokuwa wamejitosa katika nafasi hiyo, wamepita katika hatua hiyo ya awali, wanne kwa nafasi ya Makamu Mwenyekiti huku wa nafasi ya ujumbe wakibaki 30.

Alisema baada ya mchujo huo, kuanzia leo hadi Juni 26, ni kipindi cha kuwasilisha pingamizi dhidi ya wagombea.

Kwa maamuzi hayo, wagombea wa nafasi ya Mwenyekiti ni Francis Kifukwe, Mbaraka Igangula, Llyod Nchunga, Kanali mstaafu Ali Hassan Mwanakatwe, Abeid Falcon na Edgar Chubira.

Nafasi ya Makamu Mwenyekiti, inawaniwa na Davis Mosha, Hashim Lundenga, Ayoub Nyenzi na Constatine Maligo aliyewahi kuwa Katibu Mkuu katika uongozi wa marehemu Rashid Ngozoma Matunda.

Waliobaki kwa nafasi ya Ujumbe ni Isaac Mazwila, Theonest Rutashoborwa, David Mlangwa, Majid Simba, Dk. Evance Matee, Fundi mchundo Paul Malume, Paschal Kihanga, Salum Rupia na Ramadhan Kampira, Ismail Idrissa, Omary Ndula, Yusuf Yasin, Ally Mayai Tembele, Ally Bwamkuu, Sarah Ramadhan.

Wamo pia George Manyama, Atufigwege Mwakatumbula, Mwinyi Mangara, Lameck Nyambaya, Robert Kasela, Tito Ossoro, Hamis Ambari, Shaban Mohamed, Mzee Yusuf, Dk. David Luago, Edger Fongo, Mohamed Bhinda, Tony Magale, Jackson Mresi na David Ngarafi.

Kwa mujibu wa ratiba, Juni 27 itakuwa ni Kamati kupitia pingamizi, usaili utafanyika Juni 28 na siku inayofuata, ni siku ya kutangazwa kwa wagombea. Julai 5 hadi 7 itakuwa kipindi cha kukata rufaa na kufuatiwa na kampeni.

Katika hatua nyingine Sendeu alisema uongozi umewatema rasmi wachezaji wake Amir Maftah na Jama Mba huku wakiendelea na kuzungumza na wachezaji waliomaliza mkataba wa kukipiga katika timu hiyo kwa ajili ya kusaini tena kwa msimu ujao.

2010-06-14T06:32:00.002+03:00

Uchaguzi Yanga sasa Julai 18

KAMATI ya uchaguzi ya klabu ya Yanga imetangaza kuanza mchakato wa uchaguzi wa klabu hiyo unaotarajiwa kuwaJulai 18 huku wagombea wa nafasi ya uenyekiti na makamu wake wakilazimika kujipapasa mifukoni kwa Sh 200,000 za fomu huku wagombea wa nafasi za ujumbe wa kamati ya utendaji wakilazimika kutoa Sh100,000.

Awali, uchaguzi huo ulipangwa kufanyika Julai27 katika mkutano mkuu uliofanyika wiki moja iliyopita ambao pamoja na mambo mengine ulipitisha marekebisho ya katiba ya klabu hiyo kulingana na maagizo ya Shirikisho la Soka Tanzania (TFF).

Mwenyekiti wa kamati hiyo, Jaji John Mkwawa alisema sababu zilizosababisha kubadilika kwa tarehe hiyo ni pamoja na klabu hiyo kutokuwa na kanuni za uchaguzi, hivyo wanatakiwa kutumia kanuni za TFF za uchaguzi wakati muda huo wa kuitisha uchaguzi unatakiwa usizidi siku 40.

"Kikubwa wanachama wawe na subiri na wasilete malumbano ambayo mwisho wake ni vurugu tupu mimi napenda kuwashauri wawe watulivu ili tuweze kwenda vizuri katika hili,"alisema Jaji Mkwawa.

Aidha, Jaji Mkwawa alisema fomu zitaanza kuchukuliwa Juni14 na kurudishwa Juni18 huku siku ya uhakiki wa fomu hizo ikipangwa kuwa Juni2o na siku inayofuata majina ya walioomba nafasi za uongozi huo yatawekwa hadharani.

Alisema Juni 21 hadi26 ni wakati wa kuweka pingamizi dhidi ya wagombea kama zipo na siku inayofuata itakuwa ya kuyapitia majina hayo usaili wa wagombea ukiwa Juni28.

Alisema Julai 2- 5 wakati wa kupokea rufaa za wagombea na siku inayofuata ni kutangazwa kwa majina ya wagombea waliopita huku Julai 7 ikiwa mahsusi kwa kuanza kwa kampeni za uchaguzi huo.

Aidha, mwenyekiti huyo aliwataka wanachama wote kuachana na malumbano na badala yake wakae na kuangalia jinsi ya kupata viongozi hao wapya wenye sifa ambao wataisaidia klabu hiyo kurudisha ubingwa wake ambao umechukuliwa na watani zao, Simba.

Ligi Kuu ya Vodacom

2010-06-07T11:43:00.004+03:00

Pazia kufunguliwa leo

2010-06-07T08:08:00.003+03:00

Uchaguzi Yanga Juni 27

UCHAGUZI Mkuu wa Yanga utafanyika Juni 27 mwaka huu. Uamuzi huo ulifikiwa jana katika mkutano mkuu wa wanachama uliofanyika kwenye bwalo la maofisa wa Polisi Oysterbay Dar es Salaam.

Kupitishwa tarehe hiyo kunahitimisha muda wa uongozi uliopo madarakani chini ya uenyekiti wake Imani Madega na sasa klabu hiyo itaongozwa na Mwenyekiti wa Kamati ya Uchaguzi Jaji John Mkwawa kwa kushirikiana na Katibu wa klabu hiyo Lawrence Mwalusako.

Awali katika mkutano huo Madega alipendekeza uchaguzi huo kuwa Julai 4, ambayo ilipingwa na wanachama wengi waliohudhuria mkutano huo, ambao walitaka uchaguzi huo ufanyike mapema zaidi.

Madega akitoa hoja ya kutetea tarehe hiyo ya uchaguzi iliyopangwa kwa kushirikiana na Kamati ya Utendaji ya klabu hiyo alisema kwamba kwa mujibu wa kanuni za Shirikisho la Soka Tanzania, TFF ambayo Yanga ni mwanachama wake linatoa siku arobaini baada ya mkutano mkuu ndipo uchaguzi ufanyike.

Akizungumza baada ya Madega, Makamu wa Kwanza wa Rais wa TFF, Athumani Nyamlani alisema chombo chenye maamuzi ya mwisho ndani ya Yanga kwa mujibu wa Katiba ya klabu hiyo ni mkutano mkuu.

Akifafanua zaidi Nyamlani alisema kwamba Katiba ya TFF ambayo Yanga imekubali kuiheshimu inatoa muda wa siku 40 za kufanyika kwa uchaguzi mara baada ya mkutano mkuu kukaa na kama mtu atataka kuongeza muda wa kukaa madarakani basi lazima apate ridhaa za mkutano huo.

Akizungumza huku akishangiliwa na wanachama 3133 waliohudhuria mkutano huo, Nyamlani alisema kwamba kwa mujibu wa Katiba ya Yanga muda wa uongozi uliopo kukaa madarakani uliisha Mei 30 mwaka huu. Nyamlani alisema kwamba tayari TFF ilishatoa maagizo kwa uongozi wa Yanga ya kufanya marekebisho ya Katiba yao ndipo waendelee na taratibu za uchaguzi, huku wakizingatia kikomo cha muda wao wa kuongoza kwa mujibu wa Katiba yao ambao ni Mei 30 mwaka huu. Aliulaumu uongozi wa Yanga kwa kushindwa kufuata Katiba ya TFF na ile ya klabu yao, ambayo inaupa mamlaka ya mwisho mkutano mkuu wa kuamua mambo yao na sio Kamati ya Utendaji ya Yanga.

Naye Mwenyekiti wa Kamati ya Sheria, Mikataba na Hadhi ya Wachezaji wa TFF, Alex Mgongolwa akizungumza katika mkutano huo alisema kwamba Katiba ya Yanga ilikuwa na upungufu mchache sana, jambo ambalo kama lingeshughulikiwa kwa haraka lisingechukua hata dakika tano.

Mgongolwa alielezea mambo hayo kuwa ni kifungu kinachoelezea muda wa ukomo wa uongozi, ambacho wao walitaka kubaki kama kilivyo, wakaondoa idadi ya wanachama ili kuitisha mkutano mkuu kutoka theluthi mbili mpaka kuwa nusu theluthi na kuondoa mwanya kama akitokea kiongozi dikteta kuweza kuutumia na kipengele kinachotaka Baraza la Wadhamini wa klabu liwajibike kwa mkutano mkuu na sio Kamati ya Utendaji.

Mgongolwa alisema kwamba wao kama TFF hawawezi kukaa kimya, huku wakiona mambo hayaendi sawa na akasema katika mambo ambayo FIFA wanasisitiza ni wanachama wake kuwa na muundo wa uongozi unaoeleweka.

Baada ya hapo Madega alisimama tena na kusema kuwa wao kama uongozi wana budi kutii yote yaliyoamriwa na TFF na akauliza wanachama mnataka marekebisho ya Katiba yapite au yasipite, wanachama wakajibu kwa sauti ya juu,tunataka uchaguzi.

Madega akauliza kwa mara ya tatu masuala ya TFF yamepita au hayajapita wanachama wakasema yamepita kwa sauti ya pamoja ndipo Madega akaamua kufunga mkutano kwa maana ajenda kuu ya mkutano huo ni kupitisha marekebisho ya Katiba.

Baada ya Madega kufunga mkutano wanachama wakakataa maana walijua kuwa kama mkutano unafungwa na wao wamekubali kupitisha marekebisho ya Katiba, maana yake wamekubaliana na tarehe aliyoitangaza awali ya Julai 4 na wao walitaka mapema zaidi ya hapo.

Ndipo akasimama Mwenyekiti wa Kamati ya Uchaguzi wa klabu hiyo, Jaji mstaafu John Mkwawa aliyenusuru kuvunjika kwa mkutano huo pasipo kufikia muafaka na kusema kwamba matakwa ya wengi lazima yafuatwe.

Mkwawa alisema kwamba kwa uongozi uliopo madarakani ulimaliza muda wake Mei 30 mwaka huu akapendekeza tarehe ya uchaguzi kuwa Juni 27 uamuzi ambao ulipokewa kwa shangwe na wanachama waliofurika ukumbini humo.

Madega alikubali tarehe ya uchaguzi kama ilivyotangazwa na Jaji Mkwawa na akasema kwamba walikutana kwa ajili ya kupitisha marekebisho ya Katiba ambayo tayari yamepita.

SOURCE: HABARI Leo

2010-05-27T09:05:00.001+03:00

Marekebisho ya katiba Juni 6

MKUTANO wa marekebisho ya katiba ya klabu ya Yanga, umepangwa kufanyika Juni 6 katika ukumbi wa Bwalo la Maofisa wa Polisi, Oysterbay, jijini Dar es Salaam.

Kwa mujibu wa taarifa iliyotolewa na Katibu Mkuu wa klabu hiyo, Lawrence Mwalusako, marekebisho hayo ni muhimu kabla ya uchaguzi mkuu.

Wanachama wametakiwa kwenda na kadi hai kwa maana ya kulipiwa ada na kusisitiza kuwa, atakayeshindwa kufanya hivyo, atakuwa ameikosa haki ya kushiriki mkutano.

“Uongozi unawaomba wanachama kufika kwa wingi katika mkutano huu wa kupitisha marekebisho ya katiba ya Yanga,” ilisema sehemu ya taarifa hiyo.

Kwa upande mwingine, msemaji wa klabu hiyo, Louis Sendeu, alisema kama mambo yatakwenda vizuri, mkutano huo ndiyo utapanga tarehe ya uchaguzi mkuu.

2010-05-20T13:57:00.003+03:00

Maftah basi tena

KLABU ya Yanga imevunja mkataba na beki wa timu hiyo Amir Maftah kwa madai ya kuonyesha kitendo cha utovu wa nidhamu wakati wa mchezo wa Ligi Kuu dhidi Simba ulifanyika Aprili 20 kwenye Uwanja wa Taifa jijini Dar es Salaam.

Katika mchezo huo wa mzunguko wa pili, Maftaha alitolewa nje na mwamuzi kwa kuonyeshwa kadi nyekundu baada ya kumpiga kichwa kwa makusudi beki wa Simba, Juma Nyoso na kuiacha timu yake ikitandikwa mabao 4-3.

Mwenyekiti wa klabu hiyo, Imani Madega alisema kuwa uamuzi wa kumwondoa Maftah katika timu yake umefikiwa na kamati ya utendaji ya Yanga iliyokutana na kujadili marekebisho ya katiba ya klabu hiyo pamoja na tathmini ya msimu wa ligi kuu iliyomalizika.

"Kama ambavyo wote tulishuhudia mchezo kati yetu na Simba ulivyokuwa kulikuwa na kadi nyekundu mbili ambayo ni ile ya Maftah na Wisdom Ndhlovu ambazo kimsingi ndizo zilizosababisha tupoteze mchezo ule, ukweli kutokana na matokeo yale kulizuka hisia na minong'ono iliwahusisha ama viongozi au wachezaji na kuihujumu timu.

"Kimsingi, sisi hatukuzipuuzia hisia hizo tulizifanyia kazi ingawa tulishindwa kuthibitisha kama kweli ilikuwa ni hujuma lakini kwa kuzingatia kuwa Maftah aliwahi kuonywa na kupewa nafasi ya mwisho kujirekebisha na uongozi baada ya kutoroka kambini mjini Morogoro, kamati ya utendaji amefikia uamuzi wa kuachana naye na hatutamsajili katika kikosi cha msimu ujao au kwa maana nyingine yeye ni mchezaji huru kuanzia sasa,"alisema Madega.

2010-05-14T13:03:00.004+03:00

Ngassa aomba kuhamia Azam FC

Mshambuliaji wa Yanga na timu ya Taifa Mrisho Ngassa amerejea nchini jana na kuiomba klabu yake imruhusu ajiunge na Azam FC ya Dar es Salaam.

Ngassa ambaye alikuwa nchini Rwanda kwa mazungumzo na timu ya APR amesema kwamba dau aliloahidiwa na Azam FC ni kubwa sana na kwa vile soka ndiyo inayompa maisha ya kila siku, si vibaya Yanga wakamfikiria baada ya kuitumikia kwa miaka mitano.

Kuhusu mazungumzo yake na APR, Ngassa amesema dau aliloahidiwa na wanajeshi hao ni dogo kiasi kwamba ni bora abaki nchini ambako kuna vilabu ambavyo vina uwezo wa kumlipa vizuri zaidi.

2010-05-13T08:52:00.003+03:00

Maftah amwangushia jumba bovu Nyoso

Hatimaye Amir Maftah ameujibu uongozi wa klabu ya Yanga kwamba kutolewa kwake kwa kadi nyekundu katika mechi dhidi ya Simba kulitokana na hasira za kutemewa mate na kuingo wa Simba Juma Nyoso.

Akihokiwa na kipindi cha michezo cha Times FM, Maftah alisema Nyoso alimtemea mate kwa maksudi ili apandishe hasira jambo ambalo alifanikiwa. Kutokana na hasira hizo, Maftah alimpiga kichwa Nyoso na kutolewa kwa kadi nyekundu.

AIdha Maftah amesema kitendo chake cha kutolewa kwa kadi nyekundu ni cha kawaida na amewaomba msamaha mashabiki wa Yanga kutokana na kitendo hicho.

Wakati huo huo mchezaji Nyoso naye alihojiwa kwa njia ya simu katika kipindi hicho na kudai kwamba hakumfanya lolote Maftah.

2010-05-12T07:48:00.002+03:00

Maftah atakiwa kujieleza

Uongozi wa klabu ya Yanga umemkabidhi barua ya kujieleza beki wake, Amir Maftah na kumtaka awe amejieleza ndani ya siku tatu.

Hatua hiyo imefuatia mchezaji huyo kukaririwa jana na vyombo vya habari akieleza kutoka Mwanza kuwa hawezi kujieleza kwa kuwa hajapata barua ya uongozi wa klabu hiyo.

Alituhumiwa kucheza chini ya kiwango katika mpambano wa kumalizia Ligi Kuu ya Vodacom kati ya Simba na Yanga, Aprili18 kwenye Uwanja wa Taifa jijini Dar es Salaam.

Katika mchezo huu mchezaji huyo alionyeshwa kadi nyekundu kwa madai ya kumchezea rafu mchezaji wa Simba kwa makusudi na kuifanya Yanga icheze ikiwa pungufu uwanjani hali iliyotafsiriwa na wengi kuwa amehujumu timu.

Ofisa habari wa klabu hiyo, Louis Sendeu alisema kuwa tayari wamemkabidhi mchezaji huyo barua hiyo ya kumtaka atoe maelezo ya kina ndani ya siku tatu na endapo hatafanya hivyo hatua nyingine za kisheria na kinidhamu zitachukuliwa.

2010-05-10T07:53:00.003+03:00

Salamu ya leo

Kuna watu fulani leo nimekuwa nikiwasalimia kwa kuwapungia mkono nashangaa wananuna sijui kosa langu ni lipi?

Sijui na humu kwenye blog hii wale wenzetu ambao huwa wanapitapita hapa watanuna pia au watachukulia poa tu?

5-1....hadoooooooooooood

2010-05-07T15:08:00.004+03:00

Mchezaji wa Yanga Mrisho Ngassa anatarajia kuondoka wakati wowote kuelekea Rwanda kwa majaribio katika klabu ya APR ya huko.

Beki mahiri wa Yanga Nadir Haroub "Cannavaro" ameuandikia unongozi wa klabu hiyo barua ya kuomba kujiunga na Azam FC. Haroub bado ana mkataba na klabu ya Yanga.

2010-04-27T08:24:00.002+03:00

Papic kujifunga Yanga hadi 2011

KOCHA Mserbia, Kostadin “Bill Clinton” Papic amebadilisha uamuzi wake wa kuikacha Yanga baada ya kukubali kusaini mkataba mwingine wa mwaka moja na klabu hiyo ya mtaa wa Jangwani na Twiga.

Kwa mujibu wa taarifa zilizopatikana jana zinasema kwamba kocha Papic amekubali kusaini mkataba wa mwaka moja utakaoanza mwezi ujao ikiwa ni wiki moja tangu alipotangaza kuikacha klabu hiyo kwa kushindwa kumlipa mshahara.

Papic alichukua uamuzi huo baada ya kukutana na viongozi wa klabu hiyo kujadili kwa undani kuhusu malipo yake.

Kiongozi mmoja wa Yanga, alisema Papic alikutana na mfadhili Yusuf Manji na kukubaliana kuyamaliza matatizo yake yote yaliyojitokeza kwenye mkataba wake wa kwanza.

Moja ya matatizo ni madai yake ya mshahara na malalamiko yake ya kutoheshimwa. Tangu alipokataa kuongeza mkataba wake mwaka jana mwezi Oktoba.

Mserbia huyo anategemea kusaini mkataba mpya mapema wiki ijayo utakaodumu hadi Mei 2011, kwa mujibu wa chanzo hicho cha habari.

Kwa habari zaidi endelea hapa.

2010-04-21T07:03:00.004+03:00

Yanga kuishusha Prisons leo?

VILIO au vicheko vitakavyotawala leo katika majiji ya Mwanza na Mbeya baada ya filimbi ya mwisho kupulizwa wakati timu za Toto African na Prisons zitapotupa karatazao za mwisho za kubaki Ligi Kuu Vodacom Tanzania Bara kwa msimu mwingine.

Mechi nyingi za leo zinachukuliwa kama za kukamilisha ratiba ya ligi kwa timu nyingi isipokuwa kwa Toto African, Prisons na Manyema ambapo ni klabu moja tu inayoweza kujinasua kutoka kwenye janga la kushuka daraja msimu huu baada ya Moro United kuaga mapema.

Maafande wa Prisons na Toto African wote wana jumla ya Pointi 20 kila mmoja huku Manyema Rangers ikiwa juu yao kwa tofauti ya pointi mbili zaidi. Manyema wenye kibarua kizito dhidi ya Azam watakuwa wakiomba Prisons na Toto zipoteze mechi zao ili ibaki kwenye ligi.

Prisons ikishinda itafikisha pointi 23 na itakuwa mbele ya Manyema yenye pointi 22 na Toto African pointi 20,hivyo Manyema na Toto kuungana na Moro yenye pointi 15 kushuka daraja.
Prisons watakuwa kwenye uwanja wa Sokoine kuikabili Yanga. Wakati Toto watakuwa ugenini mjini Bukoba kwenye Uwanja wa Kaitaba kuwakabili wenyeji Kagera Sugar wenye pointi 23 ambao matokeo mabaya ya mchezo huo yanaweza kuwashusha daraja.

Endapo timu hizi tatu za mwisho zote zikishinda kwenye michezo yao Toto itafikisha pointi 23 kama Prisons ikishinda, lakini Manyema Rangers watanusurika kushuka daraja kwa kufikisha pointi 25.

Lakini hali hiyo inaweza kuchukua sura mpya kama Toto wataiifunga Kagera Sugar, Manyema wakatoka suluhu na Azam, huku Prisons wakiichapa Yanga mabao mawili timu zote nne za mwisho zitafikisha pointi 23.

Kwa kuwa Toto imeshafunga mabao 23, Manyema 20, Prisons 18 wakati Kagera imeziona nyavu mara 14 tu.

Hapo ndipo Kagera Sugar na Manyema Rangers zitakapoungana na Moro United kushuka daraja kwa kutumia sheria ya mabao mengi ya kushinda katika kuamua.

MSIMAMO WA LIGI MSIMU WA 2009/10

2010-04-16T16:15:00.001+03:00

Pambano sasa kupigwa jioni

Hatimaye pambano la watani wa jadi Yanga na Simba limerudishwa nyuma na sasa litaanza saa 10.30 jioni badala ya saa 2 usiku.

2010-04-10T11:50:00.001+03:00

Mapato yazipeleka Yanga, Simba Aprili 18

SUALA la mapato limeendelea kutia dosari soka ya Tanzania baada ya serikali kuingilia kati na kuahirisha mechi ya watani wa jadi, Yanga na Simba lililokuwa ichezwe kesho kwenye Uwanja wa Uhuru jijini Dar es Salaam sasa utachezwa Jumapili ijayo.

Kwa habari zaidi cheki hapa

2010-04-06T14:02:00.005+03:00

Tegete atarudi Ulaya?

Dili la mshambulijaji wa Yanga Jerry Tegete kucheza soka la kulipwa huko Sweden, limeota mbawa baada ya klabu yake kumtaka arejee nchini licha ya kufaulu majaribio.

Tegete ambaye aliondoka nchini Machi 18 mwaka huu, alitua katika klabu ya Dalkurd FF ya Sweden kufanyiwa majaribio ambayo alifaulu na klabu hiyo kumtaka ajiunge na nayo kwa mkopo wa miezi mitatu.

Awali wakala wa mchezaji huyo Bw. Damas Ndumbaro alitoa taarifa kwamba mchezaji huyo atarejea baada ya wiki mbili lakini wakati wiki mbili zikikaribia kumalizika, Ndumbaro aliiarifu Yanga kwamba mchezaji huyo amefaulu majaribio na klabu hiyo inaomba abaki huko Sweden ili ajiunge na Dalkurd FF kwa mkopo wa miezi mitatu.

Baada ya taarifa hiyo, klabu ya Yanga ilikataa ofa hiyo na kumtaka mchezaji huyo arejee nchini ili mazungumzo yafanyike. Yanga inadai kwamba makubaliano yalikuwa ni majaribio ya wiki mbili kisha mchezaji huyo arejee nchini kuitumikia klabu yake katika mechi mbili zilizosalia za ligi kuu ya Vodacom.

Hata hivyo tayari Ndumbaro alikaririwa na redio moja nchini akisema kwamba dili hilo la Tegete limekufa na mchezaji huyo atarejea nchini katikati ya wiki.

Mapema mwaka jana mchezaji mwingine Mrisho Ngassa aliwekewa ngumu na uongozi wa klabu hiyo baada ya wakala wa mchezaji huyo kumtafutia timu huko Norway - Lovham FC lakini Yanga ikataka taratibu zifuatwe.

Pia katikati ya miaka ya 90 mchezaji Edibiliy Lunyamila alirejeshwa nchini kutoka kwenye majaribio huko Ujerumani ili aikabili Simba katika mechi ya ligi. Baada ya mechi hiyo Lunyamila hakubahatika tena kucheza soka la kulipwa nje ya nchi.

2010-03-29T14:33:00.003+03:00

Jibu kwa wadau mliojaribu majina ya squad la 1994 katika post iliyopita.

Kutoka kushoto ni:
Joshua Kilale, Ally Yusuph 'Tigana', Willy Mtendawema, Fumo Felician, Keneth Mkapa, James Tungaraza, Suleiman Mkati, Said Mwamba 'Kizota' na Steven Nemes.

Waliochuchumaa kutoka kushoto ni:
Willy Martin, Mohammed Hussein, Nico Bambaga, Jose Ayoub, Sanifu Lazaro, Edibily Lunyamila na Sekilojo Chambua.

2010-03-25T14:19:00.003+03:00

Yanga 1994

Hiki ni kikosi cha Yanga mwaka 1994. Wenye kumbukumbu kazi kwenu.

2010-03-24T13:25:00.002+03:00

Obren aelekea 'bondeni'

WIKI mbili kabla ya mchezo wa Ligi Kuu ya Tanzania Bara baina ya watani wa jadi, Simba na Yanga, klabu hiyo ya Mtaa wa Twiga na Jangwani imeondokewa na kipa wake namba moja, Obren Curkovic aliyekwenda kwa majaribio nchini Afrika Kusini.

Kwa habari zaidi gonga hapa

2010-03-15T16:30:00.002+03:00

Yanga vs Moro Utd

Yanga leo jioni inapambana na Moro United katika mchezo wa ligi kuu ya Vodacom Tanzania utakaopigwa katika Uwanja wa Uhuru.

Yanga tayari imejihakikishia nafasi ya pili katika ligi hiyo wakati Moro Utd ipo katika vita kubwa ya kupuka kushuka daraja.

Tusubiri dakika 90.

2010-03-12T06:53:00.002+03:00

Watatu Yanga kwenda nje

Wachezaji watatu wa Yanga wataondoka muda wowote kuanzia sasa kwenda nje ya nchi kwa majaribio ya kucheza soka la kulipwa.

Kwa mujibu wa Afisa Habari wa Yanga Louis Sendeu, wachezaji watakaoondoka ni Jerry Tegete, Razak Khalfan na Ally Msigwa.

Sendeu amesema Tegete anatakiwa na Dalkurd FF ya ligi daraja la pili nchini Sweden huku Razak akitakiwa na klabu ya Vancouver White Caps anakosukumia gozi kaka yake Nizar Khalfan na Msigwa yeye akitakiwa na timu ya Highlanders ya Marekani.

LIGI KUU YA VODACOM

2010-03-06T18:28:00.002+03:00

06.03.2010

Simba vs JKT Ruvu

Mtibwa vs Moro Utd

Kagera Sugar vs African Lyon

Toto Africa vs Prisons

07.03.2010

Yanga vs Azam

LIGI YA MABINGWA AFRIKA

2010-02-27T19:05:00.006+03:00

Yanga yatolewa

FC Lupopo wamefanikiwa kusonga mbele katika Ligi ya Mabingwa Afrika baada ya kuifunga Yanga 1-0 huko Lubumbashi.

Bao pekee la mchezo huo lilifungwa kwa kichwa na Kayembe Muyaya katika dakika ya 76.

Yanga itarejea Dar keshokutwa mchana.

Ligi ya Mabingwa Afrika

2010-02-27T15:01:00.002+03:00

Lupopo vs Yanga

Mabingwa wa soka Tanzania, Yanga leo inapeperusha bendera ya taifa huko Lumbumbashi DRC wakati itakapopambana na FC Lupopo ya huko kwenye mchezo wa marudiano wa Ligi ya Mabingwa Afrika utakaopigwa Stade de Kenya jijini Lubumbashi.

Habari za hivi punde kutoka huko Lubumbashi zinaeleza kwamba Yanga imefanya mabadiliko ya kikosi chake kilichoanza katika mchezo wa kwanza wiki mbili zilizopita ambapo Kipa atakaa Obren Circkovic wakati George Owino atacheza beki namba nne huku Godfrey Bonny na Jerry Tegete wakianza.

List kamili:

1. Obren

2. Nsajigwa

3. Maftah

4. Owino

5. Nadir

6. Chuji.

7. Nurdin

8. Bonny

9. Tegete

10. Ngassa

11. Kiggi

Yanga inahitaji ushindi wa mabao 2-0 ili isonge mbele kwenye michuano hiyo. Pambano hilo linatarajiwa kuanza saa kumi na nusu kwa saa za Afrika Mashariki.

2010-02-25T20:52:00.002+03:00

Yanga yatua Lubumbashi

Kikosi cha wachezaji 18 na viongozi 8 cha Yanga kimetua jijini Lumbumbashi tayari kwa mchezo wa marudiano wa Klabu Bingwa Afrika dhidi ya FC Lupopo.

Yanga imewasili nchini humo huku wachezaji wake wanne wakipatwa na balaa la kupotelewa na mabegi yao. Wachezaji waliopotelewa na mabegi yao ni Jerry Tegete, Boniface Ambani, Godfrey Bonny na Obren Circkovic.

Hali ya hewa huko Lubumbashi ambayo ilikuwa ikiripotiwa kwamba ni ya mvua kubwa imebadilika na kwa siku tatu sasa mvua haijanyesha jijini humo.

Kikosi kilichotua nchini humo ni makipa- Yaw Berko, Obren Curkovic, mabeki- Shadrack Nsajigwa, Amir Maftah,George Owino, Fred Mbuna, Nadir Haroub Cannavaro, Wisdom Ndhlovu.
Viungo ni - Athuman Idd 'Chuji', Kiggi Makassi, Godfrey Bonny. Washambuliaji ni, Mrisho Ngassa, Jerry Tegete, Shamte Ally, Steven Bengo na Boniface Ambani.

2010-02-22T14:29:00.003+03:00

Yanga vs Toto Africa

Ligi Kuu ya Vodacom inaendelea tena leo katika uwanja wa Uhuru wakati mabingwa watetezi wa ligi hiyo Yanga watakapowakaribisha Toto Africa ya Mwanza.

Yanga inatarajiwa kupata upinzani mkali kutoka kwa Toto Africa kwani vijana hao wa Mwanza maarufu kama Wana-Kishamapanda wapo katika kampeni nzito ya kuhakikisha wanabaki katika ligi kuu msimu ujao. Katika mchezo wao wa mwisho, timu hiyo iliifunga Majimaji huko Songea 2-1 na hivyo kujiweka vizuri katika kampeni yake.

Yanga nayo leo itautumia mchezo huo kujipima kabla ya kukwea pipa kuelekea Lubumbashi DRC kurudiana na Lupopo FC mwishoni mwa wiki.

Tusubiri dk. 90.

2010-02-18T14:56:00.000+03:00

Yanga vs Kagera Sugar

Baada ya kuwakilisha taifa mwishoni ya mwa wiki, Yanga leo inaumana na Kagera Sugar kwenye mchezo wa ligi kuu ya Vodacom itakayopigwa kwenye Uwanja wa Uhuru.

2010-02-17T14:39:00.000+03:00

TFF imechangia kipigo - Yanga

SIKU chache baada ya kupokea kipigo cha mabao 3-2 katika mchezo wa kwanza hatua ya awali Ligi ya Mabingwa Afrika dhidi ya Saint Eloi Lupopo, klabu ya Yanga imesema kipigo hicho kimechangiwa na TFF.

Yanga inadai kuwa Shirikisho la Soka Tanzania (TFF), halikusikia maombi yao wakati ikijiandaa kwa mchezo huo, hali ambayo ilimfanya Kocha Mkuu wa Yanga, Kostadin Papic ashindwe kutekeleza baadhi ya mipango yake, hivyo kwa namna moja au nyingine kuvuruga maandalizi yao.

Akizungumza Dar es Salaam jana, Ofisa Habari wa Yanga, Loius Sendeu alisema waliiomba TFF iahirishe baadhi ya mechi zao za Ligi Kuu Tanzania Bara wiki mbili zilizopita hasa mchezo wao na Mtibwa, ili wapate muda wa kujiandaa na kucheza mechi za kimataifa za kirafiki, lakini TFF ilikuwa kichwa ngumu, matokeo yake ilikuwa rahisi wapinzani wao kushuhudia mechi zao za ligi na pia baadhi ya wachezaji kupata majeraha.

Kwa mujibu wa Sendeu kama TFF ingekubali kuahirisha mchezo wao dhidi ya Mtibwa Sugar Jumatatu wiki iliyopita, ingewasaidia kupata mechi za kujipima nguvu dhidi ya timu za ama Afrika Kusini au Zambia.

Alilalamika kwamba mechi yao na Mtibwa Sugar wachezaji walichoka, lakini pia wapinzani wao walituma mashushu jambo ambalo wanaliona liliwaathiri kwa namna moja au nyingine.

Hata hivyo Sendeu alisema bado hawajakata tamaa na wameiomba TFF iwaahirishie mechi yao dhidi ya Kagera Sugar inayotarajiwa kufanyika kesho ili wapate kujiandaa na mchezo wa kirafiki dhidi ya URA ya Uganda Jumamosi, ingawa hakuna dalili ya kufanikiwa ombi lao, huku pia wakitaka wasicheze mechi ya ligi mpaka watakaporudi kutoka DRC.

Papic amekaririwa na baadhi ya vyombo habari akilalamika kuwa kufungwa kwa Yanga kunatokana na kutopata maandalizi ya kutosha hasa mechi za kirafiki za kimataifa.

Yanga Jumamosi ilikubali kipigo cha mabao 3-2 katika mchezo wa kwanza hatua ya awali Ligi ya Mabingwa Afrika, ambapo ili isonge mbele italazimika kushinda mabao 2-0 katika mchezo wa marudiano utakaofanyika Februari 28 mwaka huu mjini Lubumbashi, DRC.

SOURCE: Habari LEO

2010-02-17T13:57:00.003+03:00

Jama Mba arejea

Mshambuliaji wa Yanga, Mcameroon Robert Jama Mba, aliyekuwa nchini kwao kwa zaidi ya miezi miwili amewasili Dar es Salaam jana tayari kuichezea timu hiyo.

Mba ambaye hata hivyo hajasajiliwa kwa ajili ya michuano ya CAF, ameuambia uongozi kwamba kuchelewa kwake kunatokana na matatizo ya kifamilia.

LIGI YA MABINGWA AFRIKA 2010

2010-02-13T09:51:00.008+03:00

Yanga vs FC Lupopo

Safari ya wawakilishi wa Tanzania katika michuano ya Klabu Bingwa Afrika - Yanga inaanza leo kwa kupambana na timu ya FC Saint Eloi Lupopo ya DRC kwenye uwanja wa Taifa Dar.

Yanga inatakiwa ishinde mchezo wa leo ili kujiweka katika mazingira katika mchezo wa marudiano utakaopigwa huko Lubumbashi wiki mbili zijazo.

Mchezaji pekee ambaye ni majeruhi kwa upande wa Yanga ni winga Kabongo Honore ambaye alifanyiwa upasuaji wa goti mwanzoni mwa mwaka huu.

Kocha Kostadin Papic anatarajiwa kuteremsha kikosi chake kamili ambacho kimefanya vizuri katika mechi zake tano za mzunguko wa pili wa ligi kuu ya Vodacom. Papic alifunga safari hadi Lubumbashi mwishoni mwa wiki iliyopita ili kusoma mfumo wa uchezaji wa timu hiyo ya DRC.

Kwa upande wao FC Lupopo wanadai wameisoma vizuri Yanga na walituma wawakilishi wao kuja kutazama mechi ya mwisho ya ligi dhidi ya Mtibwa Sugar ambapo Yanga iliibuka na ushindi wa 3-1.

Tusubiri dakika 90 na kama kawaida tutafahamishana kinachoendelea kutoka uwanja wa Taifa.

2010-02-12T13:01:00.001+03:00

Lupopo watua TZ

Wapinzani wa Yanga katika mechi ya Ligi ya Klabu Bingwa Afrika kesho, FC Lupopo, wamewasili jijini Dar es Salaam jana huku wakiahidi kucheza kufa na kupona.

Timu hiyo kutoka Jamhuri ya Kidemokrasia ya Kongo, iliwasili majira ya saa 1:00 usiku jana na kupokewa na wadau mbalimbali wa soka nchini.

Kocha msaidizi wa timu hiyo, Erick Katenda, alisema kuwa wamekuja na kikosi cha wachezaji 18 -- wanane wakiwa ni wa kimataifa – mmoja kutoka katika nchi ya Ivory Coast, mwingine Cameroon, wawili Zambia na wanne Zimbabwe.

Katenda ambaye aliwasili nchini tangu Jumatatu, alisema kuwa alishuhudia mechi mbili za ligi kuu ya Tanzania Bara – ya Yanga dhidi ya Mtibwa na Simba dhidi ya Manyema – na kwamba kutokana na kiwango cha wapinzani wao Yanga, hawawezi kuwadharau.

“Tutacheza kufa na kupona,” alisema Katenda wakati akizungumza na waandishi wa habari kwenye Uwanja wa Ndege wa Kimataifa wa Julius Nyerere mara baada ya kuwasili kwa timu yake.

2010-02-08T13:37:00.002+03:00

Yanga vs Mtibwa Sugar

Harakati za ubingwa wa ligi kuu ya Vodacom inaendelea tena leo kwenye Uwanja wa Uhru wakati Yanga itakapopambana na Mtibwa Sugar.

Yanga ambayo awali iliomba mchezo huo uahirishwe, sasa itautumia mchezo huo kama mazoezi kabla ya kupambana na FC Lupopo ya DRC mwishoni mwa wiki hii.

Yanga hadi sasa imejikusanyia jumla ya pointi 30 ikiwa ni pointi 10 nyuma ya wanaongoza ligi hiyo.

Ligi Kuu ya Vodacom

2010-02-03T07:07:00.003+03:00

Shughuli kuendelea leo

Ligi Kuu ya Vodacom inatarajiwa kuendelea leo katika viwanja mbali mbali. Michezo itakayopigwa leo ni:

Yanga vs JKT
Kagera Sugar vs Simba
Mtibwa vs Majimaji
Toto vs Manyema

2010-02-02T12:23:00.004+03:00

Yanga yaomba kuahirisha mechi

Mabingwa wa soka nchini, Yanga, wameliandikia barua shirikisho la soka nchini, TFF, kuomba kusogezwa mbele kwa mechi yao ya Jumatatu ijayo dhidi ya Mtibwa ili ipate nafasi ya kufanya maandalizi ya mchezo wao wa Ligi ya Klabu Bingwa Afrika dhidi ya FC Saint Eloi Lupopo ya DRC utakaofanyika Februari 13.

Afisa Habari wa klabu , Luis Sendeu, alisema kuwa barua hiyo imepelekwa jana TFF na wameomba mechi hiyo dhidi ya Mtibwa ipangiwe tarehe nyingine yoyote baada ya kufanyika kwa mchezo huo wa klabu bingwa.

Aidha, Sendeu alisema timu hiyo imekosa mechi za kimataifa za kirafiki za kujiandaa na Ligi ya Klabu Bingwa kutokana na maombi wanayoyatuma kugonga mwamba kila mahala kutokana na nchi nyingi kuwa bado zinaendela na ligi kuu zao.

Ligi Kuu ya Vodacom

2010-01-30T14:10:00.004+03:00

Yanga vs Majimaji

Mabingwa watetezi wa ligi kuu ya Voodacom, Yanga leo wanajitupa katika Uwanja wa Uhuru kupambana na Majimaji ya Songea katika mchezo wa ligi hiyo.

Yanga bado wapo katika mbio za kutetea taji lake licha ya kuachwa pointi 12 na mpinzani wake mkubwa Simba ambao leo watakuwa huko Mwanza kupambana na Toto Africa ya huko.

Katika mchezo wa leo, Yanga itawakosa wachezaji wake Mrsho Ngassa (mgonjwa), Kabongo Honore(majeruhi) na Nurdin Bakari (kadi tatu za njano). Kwa hali hiyo huenda mchezaji wa kimataifa kutoka Uganda Steven Bengo akachezeshwa katika pambano la leo.

Katika mchezo wa kwanza baina ya timu hizi mbili uliopigwa huko Songea, Yanga ililala 1-0.

2010-01-26T13:49:00.003+03:00

Yanga 1991

Je, mnalikumbuka hili squad la mwaka 1991? Kwa mdau mwenye kumbukumbu nzuri hebu tushushie majina

Ligi Kuu ya Vodacom

2010-01-24T17:55:00.002+03:00

Yanga vs Manyema

Pambano kati ya Yanga na Manyema linapigwa leo katika Uwanja wa Uhuru, huu ni mchezo wa pili wa raundi ya pili ya ligi kuu ya Vodacom.

Kwa kile kinachoendelea, fuatilia hapo chini kwenye comments.

Ligi Kuu ya Vodacom

2010-01-16T10:53:00.003+03:00

Yanga vs African Lyon

Mzungukao wa pili wa ligi kuu ya Vodacom inatarajiwa kuanza leo kwenye Uwanja wa Uhuru wakati Yanga itakapopambana na African Lyon.

Yanga inaanza mzunguko huo ikiwa katika nafasi ya tatu, nyuma ya timu za Simba na Azam. Simba ina pointi 33 wakati Azam ina pointi 21 sawa na Yanga lakini ina faida ya kuwa na magoli mengi ya kufunga.

African Lyon imejiimarisha katika dirisha dogo la usajili baada ya kuwaongeza wachezaji wazoefu kama Ivo Mapunda, Meshack Abel, Geogre Nyanda, Adam Kingwande na Vincent Barnabas. Pia benchi lake la ufundi limeimarishwa kwa kumkabidhi Charles Boniface Mkwasa mikoba ya kuinoa timu hiyo.

Yanga inatarajiwa kuendeleza makali yake iliyoonyesha katika kombe la Tusker, hivyo pambano hilo linatarajiwa kuwa la kuvutia.

Ligi Kuu ya Vodacom

2010-01-14T13:58:00.004+03:00

Mechi za Dar live kupitia ITV

Kituo cha luninga cha ITV kitarusha moja kwa moja mechi zote za ligi kuu ya Vodacom zitakazopigwa kwenye Uwanja wa Uhuru.

Ligi hiyo iliyokuwa imesimama baada ya kumalizika kwa mzunguko wa kwanza, inatarajiwa kuendelea Jumamosi ijayo pamoja na michezo mingine, Yanga itajitupa kwenye Uwanja wa Uhuru kupambana na African Lyon

Kwa mujibu wa taarifa iliyotolewa jana, ITV inatarajiwa kurusha matangazo hayo sambamba na kituo chake cha redio - Radio One Stereo.

Katika raundi ya pili, Yanga ina mchezo mmoja tu nje ya Dar es Salaam dhidi ya Prisons ya Mbeya.